Si Pitung, Jawara dari Betawi
Diceritakan kembali oleh Satoto Kusasi
Prolog
Diceritakan kembali oleh Satoto Kusasi
Prolog
Batavia pada tahun 1875 adalah kota dagang dan juga pusat pemerintahan Kolonial Hindia Belanda yang terletak di Pulau Jawa. Kota itu semakin ramai dengan pendatang bangsa Belanda, Cina dan Arab. Penduduk asli adalah orang Betawi yang tinggal di pinggir kota. Mereka tersisihkan oleh para pendatang, terlebih oleh penjajah bangsa Belanda. Oleh sebab itu mereka berjuang untuk cita-cita Indonesia yang merdeka.
Kisah ini dimulai dari Kampung Marunda, tempat si Pitung dibesarkan. Diceritakan oleh yang empunya cerita dengan bahasa asli neneknya yang orang Betawi.
Yang empunya cerite bilang,
“Nih lakon paling sering dah, dimainin ame “LENONG BETAWI” waktu ade hajatan nyunatin anak; Ame dibarengin nanggap ONDEL-ONDEL.” en juge “ORKES TAN-JIT DOR”
Bab 1
i Pitung orangnye kurus, selebor, tapi ototnye kuat ; umurnye baru aje 17 tahun. Die kerjenye ngangon kambing, kambingnye Babah Hong Li. Die lagi ngomong ame temennye, si Ji-i; nyuruh die ngeganti-in ngangon kambing.
“Ji-i ! Lu, angon kambing-kambing gua ye! Bentar aje; Gua mau ade urusan ame Abah Somad.” Kate si Pitung ame temennye, si Ji-i.
“Enak aje lu!.........Emangnye ade urusan ape sih..... Tung? ”
“Lu mau tau aje sih urusan orang.”
“Gua kan temen lu, jadi gua kudu tau urusan lu. Gua kudu ngikut ame lu.”
“Jadi, ntar siape dong yang angon kambing gua? Kalo tu kambing makan dedaunan kebonnye Abah kumis, gue bisa runyem”.
“Enak di elu, nggak enak di gue dong...... Gua ngikut dah! Ni kambing kagak bakal pigi kemane-mane dah, percaya ama gua.”
“Ji-i, sini lu, gua bisikin....... Gua kudu pegi sendiri; Lantaran die kate, ade urusan rahasie. Gue mau dikasih kerjaan yang sifatnye rahasie. Ntar gue bakal di-upahin. Lu tau?; Gua bakal dikasih layangan koang-koangan (Layang-layang besar); Asyik kan?
“Disuruh ape sih, Lu?”
“Yah....., mane gue tau....., denger aje belon!. Kalo gue udeh tau, gua juga nggak bakal kasih tau ame lu; namenye juge rahasie.”
“Iya deh, gua ngarti sekarang. Lu pegi dah! Tapi ati-ati, sekarang banyak kumpeni nyang suka patroli di kampung kite.”
“Itu die Ji-i yang gue pikirin. Lu tau sendiri kan... Abah Somad paling benci ame Belande-Belande. Mengkali, Abah Somad nyuruh gue nge-grecokin tu Belande?”
“Boleh jadi Tung.”
“Kalu gitu jadinye, elu kudu bantu-in gue ye........... Akur?’
“Akur Bang, gua emang kudu bantu-in lu!”
“Kalu gitu, gue berangkat; Lu doa-in gue ye!”
Bab 2
Haji Mat Somad, orang kaye en terpandang di kampung Marunda; tapi die nggak perne pelit ame tetanggenye atawa orang-orang dideketnye; jadi die di demenin ame banyak orang. Die paling banyak bekoar ame ape yang namenye perjuangan melawan belande; Jadi nggak heran kalu kompeni paling benci ame si Somad; kepengen nangkep die.
Si Pitung sampe juge ke rumah si babe Somad. Die gelagatnye ogah-ogahan jalannye nguncluk-ngepot. Lantaran die mikirin, “Gua mau disuruh ape sih, ame si babe?. Kalu gua disuruh berantem ame tuh serdadu belande....kagak deh, gue takut. Tapi kalo disuruh berantem ame anak mudenye, gua sanggup dah. Emang gue paling benci ame tuh Yongen-Yongen yang suka belagu. Mentang-mentang anaknye orang kaye...Tapi kalu ame Noni-Noni-nye gue demen banget dah; Gue kepengen gaul ame Noni Belande nyang bahenol.”
“Pitung! Akhirnye elu dateng juge;... Gua kire lu kagak mau mandang sebelah mate ame gue; Gua nih jelek-jelek juga pernah jadi engkong lu kan?.”
Si Pitung mikir, “Nah-lo, die bilang, die Engkong gua, ape bener si? Biar dah gua panggil dia ‘Engkong’.”
“La iya lah Kong! Masa iya gua cuek-in elu. Ade ape sih, kong? Kayak nyang serius be-eng lu.”
“Nah sebelumnye gue angkat bicare, lu berkenalan dulu dah ame temen seperjuangan lu; namenye si Rais.”
Emang ade tamunye si Engkong disitu.
Kedua anak muda berjabat tangan.
“Name lu siape? Gue Cuma denger ‘Tung’ aje dari tadi.” Kate si Rais.
“Name lu siape? Gue Cuma denger ‘Tung’ aje dari tadi.” Kate si Rais.
“Name gue Pitung.”
“Pitung ape?”
“Pitung doang, .......nggak pake ape-ape. Nah, elu Rais ape?”
“Name gue, Rais bin Rokim.”
“Oh jadi babe lu namenye Rokim.”
“Bener ! terus, name babe lu siape Tung?”
“Gue kagak mau kasih tau siape-siape name babe gue; gue mau tuh name kudu di rahasia-in.”
“Nah-lo! Ape alasan lu sih, mau ngerahasia-in name babe segale, ade-ade aje lu?”
“Kalu gue ditangkep ame polisi Belande, babe gue bakalan tetep aman dirumehnye. Lantaran perbuatan gue, ya gue sendiri dah nyang bakal nanggung, bukan siape-siape.
Babe gue juga nggak bakal di-gerecokin ame Belande kalu gua belon ketangkep;. Betulkan Kong Somad?”
Babe gue juga nggak bakal di-gerecokin ame Belande kalu gua belon ketangkep;. Betulkan Kong Somad?”
“Bener Tung, emang lu banyak akalnye kayak kancil.” Kate Engkong Somad.
“Nah, Kaya gue gini nyang udeh terlanjur, gue musti pegimane nih?” Tanye si Rais.
“Kagak kenape-nape Is; Lu belum terlanjur,..... apus aje tuh name Rokim.” Kate si Pitung kalem.
Abah Haji Somad ngomong, “ Nah gue bangge ame elu semue pade; Masih mude-mude, tapi ude tau ape nyang namenye perjuangan melawan Belande. “
Abah Haji Somad ngomong, “ Nah gue bangge ame elu semue pade; Masih mude-mude, tapi ude tau ape nyang namenye perjuangan melawan Belande. “
“Gue belon tau Kong! Jelasin dah Kong, biar gua ngarti, .....ape tuh yang namenye perjuangan.” Si Rais nyeletuk.
“Lu kan tau Is......! Pegimane rasenye idup di-injek-injek ame Belande! Susah cari kerjaan; Kesono kagak ade kerjaan, kesini apa lagi. Nah ujung-ujungnye lu semue pade pailit alias kagak ade doku di kantong lu. Paling-paling lu bisa kerja ngangon kambing nye orang. Noh. kaya si Pitung nyang ngangon kambingnye si Hong Li.
Nah, gua mau kasih tau ame lu-elu pade; Tanah nyang lu injek sekarang nih, itu tane-nye nenek moyang lu. Kite orang Betawi semestinye kudu jadi tuan tane. Gua sendiri punye pengalaman yang bisa gue banggain ame elu-elu pade. Waktu dulu, waktu gue masih mude; masih belum ade belande-belande; Gue udeh jadi tuan tane.
Ade orang tanye ame gua, “Bang, gua perlu tane buat dibikin kebon; nah yang noh...noh tane siape Bang?”
Gua bilang, “Tanah abang.”
“Yang ntuh....ntuh, yang banyak pohon kelape-nye, tanah siape Bang?”
“Tanah abang.”
“Yang disebelah sono, nyang banyak pu’un rambutannye, tane siape Bang?
“Tanah abang juge, pokoknye.............semue tanah abang.”
“Busyet dah! ..................Jadinye, .........semue tanah abang?”
“Iya bener beeng, semue tanah abang, biar lu nyaho.”
............Tapi sekarang Tung, jamannye ude ganti, udeh berubeh; Semue-nye ude jadi tane belande. Gua kesel bener ame tuh belande-belande nyang ude ngerampas semue tane gue.
............Tapi sekarang Tung, jamannye ude ganti, udeh berubeh; Semue-nye ude jadi tane belande. Gua kesel bener ame tuh belande-belande nyang ude ngerampas semue tane gue.
Jadi gue minta ame elu-elu pade, usir tuh belande-belande kurang ajar!
“Iya Kong, ane setuju banget. Jangan takut Kong, ntar gua tonjok-tonjokin tuh Yongen-Yongen belande, biar die tau rasa” Kate si Pitung.
“Bukan die lawan lu Tung, tapi serdadu kumpeni; Kalu anak kecil mah, gua jitak aje”
“Kalu nyang itu mah,...gue belon sanggup Kong; .....Elu aje deh Kong. Gue nyorakin aje dari jauh.”
“Lu gimane si Tung! nyali lu ngilang kaya ngeliat kuntilanak.
Udeh deh, kalu lu semue pade takut ame tuh soldadu kumpeni, biar engkong lu yang maju paling depan; gue yang nonjok-nonjokin tuh kumpeni, biar pade mampus semue. Gua kagak perluin tenage lu semue; gua nyang ude tua kayak gini juge bisa berantem”
“Lu gimane si Tung! nyali lu ngilang kaya ngeliat kuntilanak.
Udeh deh, kalu lu semue pade takut ame tuh soldadu kumpeni, biar engkong lu yang maju paling depan; gue yang nonjok-nonjokin tuh kumpeni, biar pade mampus semue. Gua kagak perluin tenage lu semue; gua nyang ude tua kayak gini juge bisa berantem”
“Iya dah Kong......, jangan ngambek dong Kong,..... ane sekarang kagak takut ame tu kumpeni; Tapi..... lu gimane Is, masih ade nggak nyali lu?’
“Gua kagak takut! Biar ade seribu kumpeni nyang dateng, gue..... tinggal kabur.”
“Lu sama begonye ame gue. Tuh Kong, jitak aje kepalanye si Rais Kong!; die kagak serius, ..........sama ame gue.”
“Gua tau lu pade! Justru Engkong bangge ame lu-elu pade; Nyang masih punye humor adat Betawi. Tapi,........ gue sekarang lagi dapet kesulitan”
“Kong ade kesulitan ape?” Tanya si Pitung.
“Belakangan nih, kumpeni getol banget patroli ke Marunda. Die-die pade nyariin gue. Lantaran ade orang yang nyebar fitnah kalu gue dibilang biang-nye rampok. Gue kasih tau ame lu pade, gue bukan rampok, gue nih orang baik-baik. Lu kan tau pegimane gue sehari-hari.”
“Siape orangnye yang nyebar fitnah? Sekarang bener-bener gue mau tonjok die.”
“Engkong nggak tau siape die, tapi kayaknye sih, si Hong Li; Nage-nagenye sih die, lantaran die baru aje di rampok. Ude pasti dong die lapor ame kumpeni yang die baru aje di rampok; Terus die tunjuk deh idung gue, ...noh nyang nge-rampok rumah gua; .......ya gitu deh kire-kire.”
“Jadi kire-kire siape Kong yang ngerampok rumahnye si Hong Li?” Tanye si Pitung.
“Mane gua tau, siape orangnye! Emangnye gua polisi ape.?”
“Jangan takut Kong! Engkong kagak bersale; nggak ade orang nyang bilang engkong biang-nye rampok. Boleh-boleh aje kompeni patroli ke Marunda atawa deket rumah engkong, tapi die nggak bakal nangkep engkong; Percaye dah ame gua!” Kate si Pitung.
“Ko....., lu yakin be-eng Tung?; barangkali aje lu tau siape tuh rampoknye.”
Pitung terdiam sebentar, terus die bilang,“Gua kagak tau Kong. Yang penting, nggak ade buktinye engkong bersale.”
“Ah..... lu mah kayak orang nyang kagak tau aje kelakuan tu Belande-Belande; Nggak ade ceritenye buat pribumi Betawi, kalo kumpeni mau nangkep kite-kite, kite sih,....kudu manda nyerah aje.
Lu juga!... Kalu belande mau ngejeblosin lu ke bui, lu bakalan langsung masuk bui, kagak ade cerite; Kagak pake di sidang pengadilan segale.
Lu juga!... Kalu belande mau ngejeblosin lu ke bui, lu bakalan langsung masuk bui, kagak ade cerite; Kagak pake di sidang pengadilan segale.
Gua pan udah bilang dari tadi, ....kite nih lagi diinjek-injek ame tu Belande-Belande.”
“Lu bener Kong; Gue jadi curige, barangkali si Hong Li nggak perne cerite ame kompeni nyang elu biang-nye rampok; Tapi kompeni nyang nuduh elu rampok-nye, supaya die ade alesan buat nangkep lu Kong. Die punye kesempatan buat nangkep lu, terus die jeblosin lu ke bui; nggak pake di sidang segale.
Sale lu juga sih......! Bekoar-koar terus ame perjuangan melawan belande segale, kagak ade juntrungannye; Nah ........boleh jadi kumpeni sakit ati ame lu Kong.”
Sale lu juga sih......! Bekoar-koar terus ame perjuangan melawan belande segale, kagak ade juntrungannye; Nah ........boleh jadi kumpeni sakit ati ame lu Kong.”
“Udeh deh,.... gue kecewa bener ame lu-elu; Lu orang pade belum ngarti ame arti perjuangan melawan Belande.
Tapi, gua mau lu pade kasih saran ame gue; Gue kudu pegimane nih? Kabur ke Banten?” Tanya Engkong Somad.
Tapi, gua mau lu pade kasih saran ame gue; Gue kudu pegimane nih? Kabur ke Banten?” Tanya Engkong Somad.
“Jangan takut Kong, selame masih ade si Pitung, si Rais ame si Ji-i, lu kagak bakal ditangkep ame kumpeni.”
“Sukur deh lu-elu mau bantuin Engkong lu. Jadi gue tetep di Marunda nih?”
“Bener Kong; kalo nggak ade Engkong disini, siape lagi nyang mau mimpin kite-kite buat berantem ame kumpeni. Pitung mau kasih saran ame Engkong ye,...Lu panggil-in deh tu semue konco-konco nye Engkong. Yang gua tau tuh nyang namenye ...si Jampang, Mat Item, si Gondrong, si Pitung...eh itu mah gua ya.
Nah abis ntu, Engkong tinggal kasih perinte; pokoknye Engkong jadi panglima perangnye deh.
Sekarang gue ame si Rais disuruh ape Kong?; gue bedua udeh siap nih.”
Sekarang gue ame si Rais disuruh ape Kong?; gue bedua udeh siap nih.”
“Nih gua kasih layangan koang-koangan buat lu bedua, sorang satu.”
“Kite siap berantem, bukan main layangan Kong....... Tapi gue sih nggak nampik, emang ude di janjiin kan ame Engkong ye; Gue paling demen dah main layangan.”
“Gini Tung, lu naikin tuh layangan waktu lu liat patroli kumpeni dateng dari wetan, supaya gue tau ade serangan. Begitu gue liat layangan koang lu naik, itu tandenye ade kumpeni nyang dateng.”
“Oh gitu maksud lu; Kalo gitu gue kagak boleh naikin layangan semau gue yeh?”
“Bener Tung! Lu pasang mata, pasang telinga en dengerin ape yang die omongin. Lu itung berape orang belande nyang bakalan dateng; Kalo kurang dari sepuluh, kasih tau gua, biar gue abisin dah; Kalo lebih dari sepuluh, gue kabur, cari selamet.
Nih duit buat lu-elu bedua. Lu nggak use kerje lagi dah ame Babah Hong Li buat sementara, ampe keadaan aman.”
Bab 3
Si Pitung pulang kerumehnye; die samperin si Ji-i, “Nih Ji-i, layangan koang-koangannye, buat lu aja dah. Tapi gini...... pesennye si Abah Somad, lu naikin layangan kalu serdadu kompeni dateng nyang mau nangkep si Somad. Nanti si Abah bakal kabur kalu liat layangan koang-koangan lu keliatan di langit.”
“Oh gitu rahasie nye. ......! Kasian beeng dah si Abah, mau ditangkep ame belande; Tapi kenape yeh? Ape dosenye si Abah ame tuh belande?”
“Katanye die......., ade nyang nyebarin kabar fitnah nyang nuduh Abah Somad biang rampok. Tapi, belande emang pengen nangkep si Somad; lantaran si Somad bekoar-koar terus ....buat ngelawan belande; nyang die bilang ‘Perjuangan’. Mangkenye Ji-i, kite-kite diem aje dah, nggak usah cari gare-gare ngelawan belande segala macem; Cari selamet aja dah.
Tapi Gua ude bilang sih......ame si Abah, yang mane gue mau bantuin die; Buat ngenakin atinye en perasaanye si Somad, Tapi...sebenernye gue takut ame serdadu kumpeni”
“Lu gimane sih Tung? Jadi,.... lu mau diem aje?, Lu kudu bantuin si Abah, lu kudu ikut tuh ‘Perjuangan’. Kite semue kudu ngelawan kumpeni. Gua setuju banget ame perjuangan rakyat Betawi buat ngusir belande-belande.” Kate si Ji-i
“Jadi lu berani?”
“Demi harga diri semue rakyat Betawi, semue kudu ikut berantem lawan tuh belande nyang ude kurang ajar ame kite.”
Si Pitung terdiam, tetapi semangat perjuangannya terbangkitkan dengan kata-kata si Ji-i yang disangkanya tidak mau tau perjuangan melawan belanda.
“Lu bener Ji-i, sekarang gua bener-bener udeh sadar. Sekarang gua mau ikut ngebantuin perjuangannye Abah Somad. Nyang pertame gue mau kerja-in, gua mau nonjok Babah Hong Li. Dia biang kerok nyang berani nyebarin fitnah. Hayo Ji-i, ikut gua!”
Babah Hongli lagi ade dirumehnye, pake singlet ame celane kolor doang. Die rada-rada grogi didatengin ame pegawenye; Nggak puguh-puguh si Pitung dateng nyamperin,......... ade masalah ape ye?
“Eh ....elu. Owe ude bayar-in gaji lu kan, kemaren.” Kate Babah Hong Li
“Bah, bukan perkare gaji gua, tapi soal lu berani nyebar fitnah; nyang lu bilang Abah Somad biangnye rampok, bener kan gitu?”
“Haiiiya, lu orang jangan marah-marah dulu lah....nanti owe kasih tau nyang sebenarnye; mali-mali masuk dulu lah.”
“Bae dah gua masuk “
Babah Hong Li bilang, “Owe kagak berani ngomong sembarangan apalagi fitnah buat Abah Somad; bener owe kagak pernah bilang gitu.”
“Jadi siape nyang bilang gitu?”
“Mana owe tau....., ko nanye ame owe.......Noh, tanyain ame polisi belande sono.”
“Kalu lu ngibul ame gue, gue mati-in lu; Gue nggak main-main, tau?”
“Jadi gue kudu ngapain lagi supaye lu orang pade percaye ame owe?”
“Gini Babah, gua mau lu ngadep ame Abah Somad; Lu ngomong dah nyang sebenernye.”
“Bae! Owe jadi lega banget dah nyang lu mau bantuin gua buat ngebersihin name gua”.
“Kalo gitu, hayo, kite cau sekarang juga.”
Sesampainye di rumeh Abah Somad, nggak taunye........., banyak orang bejibun didepan rumehnye, ade ape yeh? Ternyate, si Engkong udeh di ciduk ame laskar kumpeni; ................gile bener dah! Kesian banget dah si Engkong.
Sesampainye di rumeh Abah Somad, nggak taunye........., banyak orang bejibun didepan rumehnye, ade ape yeh? Ternyate, si Engkong udeh di ciduk ame laskar kumpeni; ................gile bener dah! Kesian banget dah si Engkong.
Warge Betawi pade dateng ngejublek dirumehnye si Engkong Somad; ade anak kecil, ade orang tue kakek en nenek en banyak pemuda pemudi; semuenye kompak mau ngelawan kumpeni.
Semue pade prihatin, nyang mane die punye dedengkot (pimpinan) di Kampung Marunda udeh di ciduk ame belande.
“Tung, engkong lu udeh ditangkep ame belande; tangannye diiket terus di masukin ke kereta nyang ade kerangkengnye. Lu datengnye telat sih; die ude diangkut tadi.” Kate si Rais.
“Katenye lu nggak takut ame belande, mane buktinye?”
“Iye sih....., tapi kalu die datengnye banyakan, gua mah takut, gua tinggal lari aje.”
Si Pitung jadi bengong kaye monyet kesetrum listrik. Die pikir, “Kalu aje gue setuju ame die nyang katenye mau lari ke Banten; die bakalan selamet. Gue juga nyang sale Jadi sekarang gue kudu punya kewajiban buat rampas die dari penjare; Tapi gimane care-nye?”
“Tung! Lu jangan bengong aje, lu urusin tuh engkong lu. Lu kan nyang bilang ame Engkong, jangan takut Kong, ade gue ame si Ji-i ame si Rais. Terus, ....gua sekarang kudu ngapain? ......Jadi tanggung jawab elu dah.” Kate si Rais.
“Yah....... bukan gua aje nyang tanggung jawab; Semua orang Betawi kudu ikut berjuang, berantem en mati-in tuh belande-belande.”
“Setuju! Akur!” Semua nyang ade disitu teriak serentak. Kagak dinyane, semue pade panas atinye, teken mati buat berantem abis-abisan ame kumpeni. Kesempatan buat si Pitung buat menyatukan tekad melawan belande.
“Nah, sudare-sudare! Kalu sudare-sudare udeh pade akur, hayo kite bikin ‘barisan berani mati’ buat berantem ame tuh belande. Kite rebut Abah Somad dari penjare; Akur?”
“Akur!”
“Nah Abang Jampang jadi komandan kite nyang mimpin barisan. Setuju kan Bang?” Kate si Pitung.
“Gua sih setuju aje; Tapi nyang gue minte ame elu-elu pade, kudu bise berantem. Lu orang kudu bisa pegang golok, pedang atawa keris; En bisa nikem musuh buat mati-in tuh belande-belande.
Pitung sini lu!”
Pitung sini lu!”
Si Pitung dateng nyamperin si Jampang. “Sekarang gua mau gampar lu...nah lu tangkis ye. Awas!!”
Belon-belon si Pitung ude ketangkep tangannye, diplintir kebelakang, terus die teriak, “Ampun Bang! Udeh deh aye nyerah.”
“Nah....Tung elu kudu belajar silat ame gue buat ngadepin tuh belande. Sudare-sudare, barisan berani mati! Semue kudu punye ilmu berantem atawa ilmu silat; jadi elu pade, dateng setiap malem kesini buat latihan silat ame gue ye........Gua guru lu.
Semuenye demi Abah Somad yang mau kite rebut dari penjare.
Rumeh-nye Abah Somad bakalan kite jadi-in markas kite, akur?”
Rumeh-nye Abah Somad bakalan kite jadi-in markas kite, akur?”
“ Akur!”
“Kite jage markas kite; Kalu ade patroli belande dateng, kita kudu lawan. Nah lu gamparin en tikem die ampe mampus.. Gua ngarti elu semue kagak biasa berantem, mangkanye gue ajarin lu.”
Enggak lame, si Babah Hong Li nguncluk nyamperin si Jampang, “Bang, sungguh mati, gue nggak sale. Gue nggak perne bilang ape-ape; Gue nggak perne sebarin fitnah nyang bilang Abah Somad biang rampok.”
“Tapi, rume lu kan kerampokan kan?”
“Bener, tapi rampoknye bukan Abah Somad; Gua nggak perne bilang Abah Somad rampok.”
“Iya dah, gua ngarti nyang lu kagak nyebarin fitnah. Nah sekarang, lu mau bantuin kite-kite ape lu mau ngebantuin belande? Lu pilih dah!”
“Gua mau ngebantuin elu, ngebantuin orang Betawi.”
“Bener nih?”
“Bener Bang.”
“Kalu gitu elu kudu ikut dalam barisan berani mati. Nah elu kan kaye, jadi elu kudu nyumbang duit atawa ape aje deh buat makan kite-kite disini. Kite disini kudu jaga kampung Marunda.”
“Iya dah Bang, gua ikut dalam barisan berani mati.” Kate Babah Hong Li.
Semue warge pada geger, gregetan, marah ame belande-belande; Jadi semue kompak mau berjuang, berantem ame belande-belande. Si Pitung, si Ji-i ame si Rais nggak ketinggal-an, ikut juge latihan ilmu silat ame Bang Jampang.
Semue warge pada geger, gregetan, marah ame belande-belande; Jadi semue kompak mau berjuang, berantem ame belande-belande. Si Pitung, si Ji-i ame si Rais nggak ketinggal-an, ikut juge latihan ilmu silat ame Bang Jampang.
Bab 4
Pitung serius beeng belajar silat ame Abang Jampang; Diantara lebih dari seratus pemuda barisan berani mati Betawi di Kampung Marunda, die doang dah nyang paling menonjol. Abang Jampang bangge ame die.
“Sudare-sudare, ude ade sebulan elu-elu pade belajar silat ame gue; Gua demen dah nyang elu-elu pade serius en berhasil ...... yah sedikit-sedikitnye, ade modal dah buat berantem ame kompeni. Gua belajar ame guru gua di Cimande; Jadi elu pade, boleh dibilang cucu murid dari guru gua di Cimande. Jadi lu seharusnye bangge.” Kate Abang Jampang.
Diantara barisan berani mati, ade orang Cina, namenye A Seng; Umurnye sekitar 30 sampai 35 tahun. Die orangnye pemalu suka menyendiri. Kite nggak tau ati orang; Ape die bener mau bantuin rakyat Betawi, ape die ogah-ogahan alias cuma basa-basi doang?.
Bang Jampang kepengen liat hasil kerjenye; mangkanye die pilih si Aseng ame si Pitung buat di adu, berantem pake ilmu silat Cimande.
“Pitung sini lu!; Lu pegang bedil nih, ibaratnye elu serdadu kompeni. A Seng, sini lu! ; ibaratnye elu jadi anggota kite; Lu pegang pedang. Nah elu berdua praktekin dah ilmu silat gua; Gua pengen liat hasil kerje gua; Lu orang ude bise berantem ape belon.”
“Jangan pake senjata dah, gua takut Bang!” Kata si Pitung.
“Bener juga Tung, entar leher lu ke potong ame si Aseng, kite jadi sedih. Iya dah tangan kosong aja dulu dah; Hayo berantem berdua.”
Si Pitung mulai dengan memasang kuda-kuda; berjalan mengelilingi si Aseng. Aseng juga begitu, die pakai jurus ‘Bango bengong nungguin ikan’.
Bak buk, bak buk, ah aduh.............., kedengerannye seru banget dah si Pitung lawan si Aseng. Si Pitung ade dibawah angin, mukenye udeh bengep, biru en mulutnye bedare. Sebaliknye si Aseng, Cuma ada luka dikit di deket alis matenye.
“Stop! Stop! Yang menang si Aseng; Pitung elu kalah.” Kate Abang Jampang.
“Bang, gue kire si Aseng pake ilmu Kuntauw, mangkanye die bisa menang.” Kate si Pitung.
“Ape bener Seng, elu pake ilmu kuntauw?”
“Gue kagak berani Bang, nih ...............liat nih, jurus nyang Abang ajarin, ilmu silat Cimande,
‘Bango bengong nungguin ikan’..............nah abis ntu, gua pake jurus....’Anjing galak gigit pantat’ ; Nah......... itu kan yang Abang ajarin ame gue.”
“Bener beeng, itu ilmu silat Cimande. Pitung elu aje nyang IQ nye jongkok, lu kudu berlatih lebih serius dah en lain kali lu kudu bisa ngalahin si Aseng.”
Semua pejuang barisan berani mati mendapat manfaat menyaksikan perkelahian antara Pitung ame A Seng. Bahkan tanpa disuruh mereka mempraktekan cara berkelahi Abang Jampang.
Semue pade serius belajar berantem, demi perjuangan.
Si Pitung lagi duduk ngaso, nafasnye ngos-ngosan, “Kok gue bise kalah ame tu Cine; Gua pikir
gua nyang paling jago, nggak taunye segitu aje kemampuan gue.” Pikir si Pitung.
Si Ji-i ame si Rais dateng en ngusap dare nye nyang ade di mulut, ame di hidung; ngebersi-in lumpur nyang ade di kepale.
“Ji-i ame lu Rais, gue mau bilang ame elu, ilmu silat Cimande gue masih cetek banget dah dibandingin ame Kun Tauw nye si Aseng. Gue liat-liat, si Aseng punye ilmu silat nyang lain, bukan Cimande.
Nah Sekarang, gue minta ame elu-lu pade, ikutin diem-diem si A seng, cari tau dimane rumehnye. Gua mau datengin rumehnye; Gua pengen jadi muridnye. Gua minta ame elu-elu jangan buke rahasie; soalnye gue takut si Jampang bakalan tersinggung, .............ngarti kan lu?.”
“Tung, gua juga pengen jadi muridnye si A Seng.” Kate si Ji-i.
“Gua juga!’ Kate si Rais
.”Bagus, tapi terserah elu dah.”
“Emangnye kenape Tung?.”
“Lu tau dong adatnye orang cine; Gua takut ade persyaratannye nyang kite kagak sanggup-in.”
“Oh gitu! Jadi die ngasih ilmu nggak cume-cume yeh, tapi ade syaratnye”
“Bener! Kalu gitu kite bertiga bakal ngedatengin rumehnye si Aseng.” Kate si Pitung.
Nggak dinyane, si Rokayeh, cucunye Abah Somad nyang caem nguncluk nyamperin si Pitung ,
“Abang Pitung,... ane mau ucapin terimekasih nyang mane ente ude mau berjuang merebut Engkong gue dari kumpeni.”
“Kite same-same berjuang ngusir belande; Sayang engkong lu keburu ketangkep ame belande; die nyang semestinye kite arepin jadi komandan.”
Rokayeh ngeliatin dare nyang masih ngucur dari mulutnye si Pitung, terus die keluarin selampe-nye en bersih-in. Atinye Pitung jadi dag-dig-dug, “Gua ngimpi ape sih semalem.......Caem beeng dah ni cewe; kalo jadi gacoan gua............gua demen banget dah.”
Bab 5
Ji-i ame Rais ngikutin si Aseng; tapi nyang dikutin jalannye cepet banget, pada hal die kagak lari, tapi jalan aje. Ini die nyang disebut ilmu ngentengin tubuh.
Tiba-tiba, berkelebat bayangan yang masuk ke utan en si Aseng udeh ngilang, kagak puguh parannye,........ kemane die pegi yeh?.
“Kemane die tuh? Tau-tau ngilang aje; Keliatannye die tau nyang die diikutin ame kite; Kite cari die ampe dapet.” Kate si Ji-i.
“Keliatannye die mau ngerahasia-in tempatnye; aneh bener dah.” Kate si Rais.
Berdua ubek-ubekan di utan tapi kagak ketemu; Sampai ditepi laut, Cilincing, juge kagak ade. Akhirnye berdua pulang, ngelapor ame si Pitung.
Berdua ubek-ubekan di utan tapi kagak ketemu; Sampai ditepi laut, Cilincing, juge kagak ade. Akhirnye berdua pulang, ngelapor ame si Pitung.
“Tung, gue ude jalanin perinteh elu, tapi die ngilang ditenge jalan; Die beklebat masuk ke dalem utan, terus ngilang. Kite ude cariin ubek-ubekan, ampe pinggir laut Cilincing, juge kagak ketemu.
Kite sih ketinggalan terus, lantaran gua kire die pake ilmu ngenteng-in tubuh.”
“Kalo gitu, besok kite cari-in lagi di utan yang die ngilang..... Utan ape namenye?” Tanye si Pitung.
“Namenye Utan “Karang Jin”, .....emang tempatnye Jin buang anak disitu.” Kate si Rais.
Bertige dateng lagi ke utan Karang Jin buat cari si Aseng. Nggak ade rumah di utan; disebelah sono ade rawa; disebelah sono ade laut.....masa iye die berumah disini; kayaknye sih nggak mungkin.
Bertige dateng lagi ke utan Karang Jin buat cari si Aseng. Nggak ade rumah di utan; disebelah sono ade rawa; disebelah sono ade laut.....masa iye die berumah disini; kayaknye sih nggak mungkin.
“Udah deh, kita tungguin aje di markas kite; Kalo die kagak nongol, die bener-bener mau lari dari perjuangan rakyat Betawi; Malah jangan-jangan die konconye belande.” Kate si Pitung.
Maka tiga serangkai anak Betawi itu melangkah keluar dari utan Karang Jin.
Tiba-tiba ade angin berembus kencang, dedaunan pade rontok, terus kedengeran ade suara,
“Hai manusia, mau ape lu dateng ke rumah gue?. Lu punye kepentingan ape, ntar gua bantuin dah.” Suare-nye doang nyang kedengeran tapi ujud nye kagak ade.
Si Rais emang paling takut ame setan, die mau ambil langkah seribu, tapi ditangkep ame si Pitung. “Jangan lari Is! Gua yakin itu bukan suara setan.”
“Wahai sobat, gua dateng bertige emang ade kepentingannye ame elu; Coba kasih liat muke lu; Dimane lu hah.......?” Teriak si Pitung.
Angin berhenti berhembus dan tiba-tiba, si Aseng udeh ade di depan. Ilmu Kun Tauw dari negeri leluhur-nye lagi diperlihatkan ame si Aseng didepan Pitung en temen-temennye.
“Aseng, lu bener-bener dah ....hebat! Gua ngaku kalah ame lu dua kali.” Kate si Pitung.
“Itu namenye Ilmu mengirim suara.”
“Gua boleh nggak belajar ilmu Kun Tauw ame lu?”
“Jadi lu mau jadi murid gua?”
“Ho-oh, boleh kan kalo gua jadi murid lu?”
“Boleh aje.”
“Gua juga mau!” Kate si Rais.
“Gua juga!” Kate si Ji-i
“Boleh! Semue boleh jadi murid gua.”
Bertige pade pandang-pandangan nggak percaye, kok gampang amat jadi muridnye si Aseng; Kayaknye kagak ade syarat-syaratnye.
“Mari kite rundingin di rumeh gue, disono.” Kate si Aseng.
“Dari tadi kite nggak liat rumeh orang; Emangnye rumeh lu dimane sih?” Tanye si Pitung.
“Noh disono noh; .........Hayo ikutin gua dah.”
“Tapi lu jalannye cepet banget, gua nggak bisa ngikutin elu.” Kate si Rais.
“Nah itu yang namenye ilmu ngentengin tubuh, jadi lu seperti nggak nginjek tane.”
“Busyet dah! Hebron amat lu Seng?” Kate Rais.
“Ntar gua ajarin dah semue ilmu gua ame elu-elu pade.”
Nggak lame, berempat ude sampe dirumehnye si Aseng, guha batu karang. “Gua tinggal disini sendirian. Gua kire lu pade takut dateng kerumeh gue; Bener kan?”
Nggak lame, berempat ude sampe dirumehnye si Aseng, guha batu karang. “Gua tinggal disini sendirian. Gua kire lu pade takut dateng kerumeh gue; Bener kan?”
“Bener Seng, nyang tinggal disini biasenye si bangsa Jin nyang bisa ngilang. Emang lu mirip-mirip ame Jin, ..............kayak bukan orang Cine.”
“Enak aje lu! Gua juga kagak mau dibilang orang Cine, tapi gua kepengen diakuin kayak pribumi inlander, yah.......kaya Betawi, same ame elu-elu pade.”
“Gua demen banget dah Seng, nyang mane elu mau bersahabat ame kite-kite, bukan ame belande.”
“Mangkanye gue sengaje dateng ke rumeh Abah Somad waktu gue denger die ditangkep ame belande. Gue nyang paling depan di barisan berani mati buat ngadepin belande..”
Mendengar penjelasan si Aseng, menetes air mata si Pitung, “Orang cine seperti si Aseng aje mau berjuang, masa iya gua nyang Betawi asli kagak.”
Terngiang-ngiang kate-kate Engkong Somad, “Ude-deh kalu lu nggak mau berjuang melawan belande, biar engkong lu nyang maju paling depan; biar gue tonjok-tonjokin tu belande-belande biar pade mampus semue.”
“Kok lu jadi sedih........nangis lagi.” Kate si Aseng.
“Gua nggak sedih tapi terharu dengerin kate-kate lu Seng; Kagak dinyane elu mau berjuang ngusir belande lebih dari kite-kite. Gua ngaku kalah deh buat nyang ke tige kali.”
“Nah sekali lagi gua minta ame lu orang, jangan anggep gue orang Cine atawa orang asing. Kite same-same berjuang melawan belande.”
“Kite bertiga pengen belajar ilmu kuntauw ame lu Seng; Tapi ape syaratnye? Atawa berape gue kudu bayar ame lu?”
“Syaratnye elu semue kudu mau jadi anggota partai; “Partai Pengemis” Lu orang kudu ngerasain pegimane suseh-nye jadi orang miskin. Ditempat gua dulu di Tionggoan, tane leluhur gua, partai ntu dinamain “Partai Kaipang”. Kalo elu mau nih....., gua terima elu jadi anggota partai en kite jadi bersaudare. Ide atawa tujuannye Partai, semue orang kudu punya tingkat kekayaan yang rate-rate; Sedikit-dikitnye kite bise makan aje, udeh bagus.”
“Emangnye kagak boleh jadi orang kaye?”
“Boleh aje, tapi die kudu sedekah ame nyang miskin. Jadi orang miskin juga kudu ade alasannye. Kaya Babah Hong Li, die kaye tapi kagak mau sedekah, yah..... jadi gua rampok; Terus hasil rampokannye gua udah bagi-bagi in ame orang-orang miskin.”
“Wah...wah !! Jadi elu rampoknye Babah Hong Li! Aje-gile lu Seng. Tapi bener juga, kalo kambing angonan gua ade nyang ilang aje, terus gaji gua dah... dipotong ame die. Jadi sekarang ade nyang balesin.....emang Tuhan nggak tidur. Gua setuju dah ame ide Partai lu.”
“Lu orang kudu rahasia-in yang mane gua udeh ngerampok Babah Hong Li.
Sekarang lu orang mau kagak jadi anggota Partai? Gua tanya nih!” Tanya si Aseng
Sekarang lu orang mau kagak jadi anggota Partai? Gua tanya nih!” Tanya si Aseng
“Gua mau” Kate si Pitung.
“Gua juga mau” Kate si Ji-i
“Gua mau tanya syarat nyang lain, semisal kewajiban gua apa?” Tanye si Rais.
“Kewajiban lu jadi pengemis; Supaye lu ngerasain sendiri hina nya jadi seorang pengemis. Kalo lu malu......., lu bisa umpetin tu muke; Pake topeng ke.... atawa kain ke......; Tutupin tu muke....Atawa lu ngemis ditempat lain, bukan di Marunda.” Jelas si Aseng.
“Nah..lo; Aneh banget ya........? Terus ape lagi?” Tanya si Rais.
“Lu tanda-in rumeh orang-orang kaye nyang kagak mau sedekah ame lu; Terus elu rundingin ame temen-temen lu; Yang mane rumeh si kaye nyang kagak mau sedekah en kudu dirampok;....... terus lu rampok deh....!. Bukannye kite orang benci ame si kaye, tapi kite orang benci ame orang pelit nyang kagak mau sedekah.”
“Pantes aje lu kagak punye rumeh, lantaran lu jadi orang miskin ye Seng; Ape lu senang idup kayak gitu? Gue sih heran ame lu!”
“Ya kagak heran lah....lantaran udeh ade keyakinan didalam diri gua, Dunie musti adil, yang kaye kudu bantu yang `miskin en yang miskin kudu bantu nyang kaya.”
“Nah Lo....!, Ko nyang miskin kudu bantu-in yang kaye.... mane bisa! Duit aje kagak gablek, mane bise kite ngebantuin die.”
“Minta kerjaan ame die dong...; Noh...kaya si Pitung nyang kerja ngangon kambing nye si Hong Li......tapi sayang si Hong Li pelit, kagak mau sedekah.
Nah,..... kalo ude kaye,...eh die nggak mau kasih kerjaan ame kite....eh die juga pelit.....siape tuh orangnye?” Tanya si Aseng.
“Nggak tau; siape Seng?”
“Noh belande-belande nyang kite mau tonjok-tonjokin, biar pade mampus.”
“Oh kalo gitu gue ame elu satu tujuan yeh.....Tujuan Partai ngebikin rakyat jadi sama kaye en sama miskin. Nyang kaye bantuin nyang miskin en yang miskin ngebantuin nyang kaye. Partai ape tuh, gue lupe namenye.
“Partai Kaipang.....inget tuh Partai Kaipang atawa Partai Pengemis. Jadi pegimane? Udeh pade akur ape belon? Kalo elu pade akur, gue bakal lantik lu semue”
“Akur Seng”
“Kalo gitu gue mau sumpe lu jadi anggota Partai Kaipang. Nah lu pegang hio sorang satu. Kite sembahyang buat ngirim doe buat pendiri Partai nyang namenye Ang Cit Kong. Nah sekarang lu ikutin kate-kate gue, Suhu Ang Cit Kong, kite berempat, murid-murid generasi ke lima kirim doe buat Engkong nyang mane kite sumpe setie ame cite-cite Partai, demi mewujudkan keadilan di Dunie.”
Aseng membawa tiga kantong goni; Masing-masing digantungin kedade si Pitung en temen-temennye. Terus die bilang, “Nih kantong buat tempat nasi atawa ape aje nyang bakal disedekahin. Tapi juge sebagai tande kepangkatan; Jadi pangkat lu “Kantong Satu”
Gua tau, lu orang pade nanye didalam ati, “Pangkat lu ape Seng?’ Pangkat gua, Kantong Lima. Tugas gua di Partai adalah ngebujuk-in orang buat masuk jadi anggota partai, .....kaya elu-elu pade......... Gue ditugasin ame Partai di tane leluhur buat ngebujuk orang-orang di luar negeri,...Nah itu kan elu-elu pade, Inlander-nye belande.”.
“Gile....lu! Hebron banget dah.....Jadi lu duplimat, ape-ape tuh dah gua nggak tau istilahnye.
Udeh deh sekarang kite ngapain Seng? Kite ude siap nungguin komando dari elu nyang pangkatnye Kantong Lime.”
“Lu semue kudu nginep dirume gue en belajar Kuntau ame gue; biar elu semue ngerasain pegimane idup miskin, kagak punye rumeh kayak gue. Disono noh didalem guha lu orang boleh tidur; .............Kagak bakalan keujanan dah.”
Pitung, Ji-i ame si Rais pade bengong bepandang-pandangan, “Emang syaratnye orang cari ilmu ame cine, nggak gampang. Iya sih, ilmu Kuntauw kagak bisa ujuk-ujuk dateng begitu aje; Kudu ade pengorbanan-nye.” Pikir si Pitung.
“Iya dah kite ngikut aje ame lu; Tapi Seng, kite jadi mangkir dari tugas kite buat ngejagain kampung Marunda, ntar Abang Jampang mare ame kite-kite; Jadi pegimane dong?”
“Gua yang dateng ke markas kite en gua lapor ame Bang Jampang nyang elu semue lagi belajar silat Kuntauw ame gue.”
“Nah itu nyang kite mau ngerahasia-in supaye Abang Jampang nggak tersinggung.” Kate si Pitung.
“Kagak......, die bakalan kagak marah en tersinggung dah; Gua nyang tanggung. Maksud kite kan baik, supaye barisan berani mati kudu bise berkualitas en bisa bikin keder belande-belande?”
“Iya deh Seng, gua sih ngikut aje.”
“Jadi nyang elu pelajarin dari Abang Jampang, ntu pake tenaga luar, kalo pakai istilah gua, “Gwa
Kang” Sedang gua lebih seneng pake tenaga dalem, atawa “In Kang”. Gerakan silat Cimande punya lu, udeh bagus sekali, tapi jadi makin bagus kalo lu pakai In Kang. Mangkanye elu bisa gua kalahin; Ngarti lu?.” Kate si Aseng.
“Gua bisa nggak, dapetin tenaga dalam?” Tanye si Pitung.
“Bisa, emang tu ilmu nyang gua mau ajarin ame elu-elu pade. Hayo kite mulai, jangan buang-buang waktu keburu belande dateng kite belon bise ape-ape.”
“Kaye ape ujudnye tenaga dalem, gue pengen liat!’ Kate si Ji-i.
“Sini lu! Duduk besila! Gua mau masukin tenaga dalem gua ke badan lu.” Kemudian si Aseng menempelkan telapak tangannya ke punggung si Ji-i; Berlangsung sepuluh menit “Nah, terasa kan,.... aliran tenaga dalem gua?”
“Bener, kaye kesetrum listrik en sekarang badan gue lebih enteng en seger rasenye; Gile banget dah!” Kate si Ji-i.
“Lu orang, ari-ari biase pake tenage cume sedikit aje; Padahal selebihnye bise lu keluarin, bukan tenage dari otot lu, tapi tenage yang ngumpet di dalam badan lu.”
“Buju busyet! Cepetan ajarin gua dah!” Kate si Pitung.
“Kite mulai pake Meditasi; Semue pade ikutin gua!”
Sepulu ari udeh si Pitung, Ji-i ame si Rais belajar Kuntauw; Dari tenaga dalem sampe ilmu entengin tubuh. Banyak kemajuan; Si Pitung ude bise ngelompatin pager ame kali en manjat pohon;Cepet-nye kaye kilat; Jalannye juge cepet kaye nggak nginjek tane.
Langsung aje si Aseng ngajarin jurus Nage menggoyang ekor, jurus andalan-nye si Aseng nyang paling dahsyat; itu jurus silat nyang , si Aseng anggep perlu banget kudu diajarin ame muridnye; Lantaran belande-belande ude didepan mate.
Sekarang tiga serangkai udeh beda bener ame nyang dulu.
Aseng ngomong, “Sekarang kite turun gunung buat bantu-In Abang Jampang; Kite nggak tau khabarnye markas kite, pegimane sekarang. Hayo kite samperin dah.”
Bab 6
Gereja Khathedral ade di Lapangan Banteng; Nah di deketnye tu gereje, ade benteng yang namenye Benteng Walterfreden, nyang sekarang ude jadi Mesjid Istiqlal. Disitu Abah Somad dipenjarain. Emang ade penjara lain di Beos, atawa di Kota, tapi kagak begitu serem dibandingin ame ni penjare. Lantaran Abah Somad udeh dianggap tokoh dedengkot pemberontak yang paling berbahaya buat ngelawan belande, mangkanye die kudu dipenjarain ditempat yang serem, Walterfreden.
Aseng, Pitung, Ji-i ame Rais lari memakai ilmu entengin tubuh; berempat kaye orang nyang bise terbang en ujuk-ujuk ude sampe di markasnye, rumehnye Abah Somad. Keadaan markas sepi banget, kaye kagak ade orang; Kenape ye?
Aseng nauin, nage-nagenye ade nyang kurang beres nih; jangan-jangan markas udeh diserbu ame belande;............. sepertinye sih gitu.
Aseng bisikin si Pitung, “Markas kite udeh di dudukin ame musuh; Cepet kite cau sebelon ketauan ame kompeni!”
“Kite kerumehnye Abang Jampang aje, hayo!” Kate si Pitung.
Ternyate rumehnye Abang Jampang udeh dibakar ame orang. Gile banget deh tu Belande............emang die sadis bener dah. Si Pitung terngiang-ngiang kembali kate-kate
Engkong Somad, “Lu kan tau Is, kite sekarang nih udeh di injek-injek ame belande.”
Berempat balik lagi ke hutan Karang Jin; Tapi ditenge jalan ketemu ame warge; Keliatannye sih, die anggota barisan berani mati juge. Pitung nanye ame die, “Eh lu tau nggak, ape patroli belande ade nyang dateng ke kampung kite?”
“Ho-oh, sebulan nyang lalu; Markas diobrak-abrik ame belande; Abang Jampang ketangkep en tangannye diikat, terus dibawa ke Batavia’
“Anggota barisan berani mati pade kemane si?” Tanye si Pitung
“Ye gitu juge nasib-nye same ame Abang Jampang. Kebeneran aje gua bisa lolos”
“Jadi berape orang nyang ikut diciduk ame belande? En berape orang wange kita yang mati, dimati-in ame belande?”
“Ade sih lima puluh orang; Disuruh baris terus dibawe ke Batavia. Kaga ade nyang mati. Nah elu kemane aje? Gue jadi curige ame elu; Jangan-jangan ..............”
“Eh lu ngomong jangan sembarangan ye! Gue nih cucunye Abah Somad tau, mane bise gue berchianat ame warge Betawi.”
“Setau gue, cucunye cuman satu, Neng Rokayeh doang; Nah..... Ngibul lu ye?”
“Maksud gua, gua deket banget ame Abah Somad. Percaye ame gua dah! Gua ame temen-temen gua belajar Kuntau ame si Aseng; Mangkanye gua kagak dateng ke Markas kite. Jadi gitu ceritenye; .......Noh si Aseng saksinye; Bener kan Seng?”
“Ho-oh; Si Pitung, Si Ji-i ame si Rais sekarang jadi murid gua. Tapi gua kagak ade maksud buat ngejatuhin harga diri Abang Jampang; Lantaran die tetep guru kite, gurunye semue anggota barisan berani mati. Ngomong-ngomong name lu siape?”
“Name gua Mat Item.”
“Oh elu Mat Item?; Gua Cuma sering denger name lu, tapi ujudnye belon perne ketemu; Baru sekarang gue liat lu.” Kate si Pitung.
“Gua sih kenal ame lu Pitung; Siape orangnye nyang kagak kenal ame lu? Semue kenal ame lu.”
“Ma kasih dah. Ngomong-ngomong rume siape lagi nyang dibakar ame kumpeni? Terus kemane perginye warge? Ko sepi amat ni Kampung.” Tanye si Pitung.
“Warge pade ngungsi masuk kedalem utan; Ade juga nyang pegi pake perahu ke pulau-pulau. Rume Abang Jampang aje nyang dibakar; Nyang lain kagak.”
“Eh......si Rokayeh pegimane nasibnye?” Tanye si Pitung.
“Nah ...itu nyang bikin kite bimbang en sedih; Lantaran kagak ade nyang nauin kemane die pegi.
Waktu belande-belande nyerang kite, kite semue panik, pade cari selamet; Dari pade ditangkep, di borgol....ya mendingan kabur. Nasib keluarge kagak keurus; Ya si Rokayeh juge kagak ade nyang ngurus.
Waktu belande-belande nyerang kite, kite semue panik, pade cari selamet; Dari pade ditangkep, di borgol....ya mendingan kabur. Nasib keluarge kagak keurus; Ya si Rokayeh juge kagak ade nyang ngurus.
Kayanye, si Rokayeh dibawa ame perempuan tue............terus tau-tau ngilang aje kedalem utan; kite kagak tau kemane paran. Sangking cepetnye si perempuan tue, kite nyangka nyang engga-engga.......jangan-jangan dibawe ame kuntilanak atawa jin.” Kate Mat Item.
Si Aseng manggut-manggut ngedengerin keterangan Mat Item.
“Pegimane kalo kite bikin serangan balasan ke markas musuh? Hayo dah kite pulang ke rumeh gue di Utan Karang Jin; En kite bahas deh pegimane carenye” Kate si Aseng.
“Jangan ngimpi dah lu Seng!......... Serangan balasan lagi?; ......Mane bise kite ngalahin kumpeni? Abang Jampang aje kagak bekutik ape lagi kite.” Kate Mat Item.
“Mat, ape lu takut mati? Eh lu pan udeh ikut barisan berani mati; Jadi lu kudu inget, elu udeh teken mati. Dengerin gua, nyang sedikit bise ngalahin nyang banyakan; Udeh banyak contohnye.
Nyang penting kite kudu percaya ame kekuatan kite. Hayo jalan!”
Mat Item kepakse ngikut dah ke utan Karang Jin, lantaran die kagak mau dibilang penakut; ape lagi takut mati.
Akhirnye sampe juge die orang ke rumenye Aseng, di depan guha.
“Rumeh lu nyang mane Seng?” Tanye Mat Item.
“Nah,.... ni rume gue.” Kate si Aseng sambil nunjuk guha.
“Ah elu main-main aje, .........nyang bener aje lu, masa guha dibilang rume.”
“Ya emangnye begitu; Yang mane lagi kudu ditempatin ame orang miskin kaya gua; Nah kalo lu mau idup kaya gua, jadi dah lu orang miskin.”
“Gua mah kepengen jadi orang kaye; Gua ogah jadi orang miskin......Tau?”
“Ya terserah lu dah....Tapi menurut gua, nyang kaye kudu sedekah ame nyang miskin en nyang miskin kudu bantuin nyang kaye; Nyang kaye kudu mau dibantuin ame nyang miskin.”
“Seng, suruh die jadi anggota Partai.” Kate si Pitung.
Aseng ngedeketin si Pitung en ngebisikin, “Pan die udeh bilang, die mau jadi orang kaye; Jadi nggak sejalan dah ame kite.”
“Iye bener. Nah kite bicarain pegimane strategi kite buat serangan pembalasan ke Benteng Waltefreden! Pegimane Seng?” Kate si Pitung.
“Enteng.....! Gua udah siapin nyang namenye roket; Lu bakal kagak tau dah, tapi elu semue kudu bise ngeguna-in nye, ntar gua ajarin. Nih barang baru nyang gua pelajarin dari Tiongkok; Kalau disini mah kagak ade nyang punye.”
“Gimane Seng ngeguna-in nye, ajarin gua dah!” Kate siPitung
“Roket dilepasin dari tangan lu; Bakar sumbunye, juju sasarannye, begitu sumbu udeh kebakar terus die udeh nyemburin api- nah lu lepasin deh; Gampang kan?”
“Terus kalo die udeh sampe kesasarannye, terus pegimane tuh Seng?”
“Die meledak lantaran didepan nye kan ade mesiu ame pelor-pelor besi; Sasarannye bakal rusak berat en kebakar; Kalo ade sasaran idup, musuh ya pade mampus dah...!!”
“Gile banget dah! Lu emang hebron Seng. Kalo gini gua kagak takut dah. Ngomong-ngomong, lu punye berape roket Seng?”
“Ade lima puluh biji; Kalo udeh abis ntar gua bikin lagi, tapi elu kudu bantuin gua yeh’
Bab 7
Kali Ciliwung ngalirin airnye ditenge-tenge kota Batavia. Kalinye cukup lebar en dalem; Jadi bise buat berlayar perahu-perahu; Dari hulu ke laut atawa dari laut ke hulu. Ari-ari banyak perahu-perahu keluar en masuk Batavia.
Nah, salah satunye perahunye si Pitung ame konco-konconye. Muatannye mesiu nyang ujudnye roket-roket; Ujung roket ade mesiu nyang bisa meledak en menghamburkan besi-besi;
Mangkanye perahunye lambat lantaran berat.
Si Aseng udeh lame bikin roket; Emang die dah jagonye. Ilmunye die bawa dari Tiongkok;
Emang Tiongkok Negare paling maju masalah mesiu, meriam, senapan, roket ame kembang api.
Roket yang bisa dilepas pakai tangan udeh disiapin ame si Aseng, cukup banyak.
Si Aseng emang nggak main-main ame serangan balasan yang udeh direncanain ke benteng
Walterfreden. Die mau kasi liat ame Mat Item, die bisa. Semue udeh pade teken mati, demi kebebasan dari penindasan Kompeni.
Perahu akhirnye sampe dideket walterfreden; Ade Opas nyang mau nauin, muatan ape di perahu nyang emang keliatan berat. Die ujug-ujug aje naik keatas perahu, nggak pake assalamualaikum.........kurang ajar bener dah.
“Hai, lu orang bawe ape?” Opas nanye.
Tau-tau si Pitung nonjok mukenye, “Sopan dikit kenape sih lu!” Si opas kelenger pingsan, terus diceburin ke kali.
“Ko die bisa pingsan yeh.......Kenape Seng?” Tanye si Pitung.
“Pan elu udeh pake tenage dalem nyang gua ajarin; Nonjoknye sih biase aje, tapi tenagenye beda. Jadi mulai sekarang lu kudu ati-ati nonjok orang apalagi anak lu sendiri; Bisa nyesel kalo die ampe mati.” Kate si Aseng.
Deket benteng, ade utan kecil nyang bagus buat ngumpet. Nah roket-roket diangkut diem-diem ke tuh utan. Udeh beres semue, be-lime pade ngeluruk dah ke benteng.
Si Pitung bawa lima roket ame banyak piauw; Paku beracun nyang bisa ditimpukin ke musuh; Namenye piauw ‘Seribu Racun pencabut nyawa’
Jelas dong die ditanyain ame serdadu nyang jage gardu monyet, “Hai lu orang mau pade kemane? Kagak ade nyang boleh masuk....ini markas militer!” Kate si opas.
Aseng nyamperin si opas; Bedilnye direbut, terus kepalenye digampar.....kelenger. Temennye nyang lagi tidur, bangun, kaget, “Ade ape si ribut-ribut?” Katenye.
Aseng kasih komando pake tangannye nyang artinye giliran lu Ji-i nyang ngeberesin. Si Ji-i lompat, tau-tau udeh berdiri didepan musuhnye; terus ngegampar si opas dua kali, bak buk bak buk. Idungnye berdare, terus pingsan. Si Opas kaga bisa berkutik atawa ngebales, lantaran gerakan si Ji-i cepet kaye kilat.
“Siape nyang belon dapet giliran?” Tanye si Aseng. “Gua” Kate si Rais.
“Gua nggak use dapet giliran dah, ilmu berantem gua masih cetek banget Seng.” Kate Mat Item.
“Iye.....gua tau elu!” Kate si Aseng
Belime masuk makin dalem, udeh makin deket ke gedung benteng. Tempatnye serdadu kompeni nyang suka patroli ke Marunda; Disitu emang keliatan bule-bule belande, ngejublek pade ketawa ketiwi; Belagu amat.....bikin kesel ati.
Belime masuk makin dalem, udeh makin deket ke gedung benteng. Tempatnye serdadu kompeni nyang suka patroli ke Marunda; Disitu emang keliatan bule-bule belande, ngejublek pade ketawa ketiwi; Belagu amat.....bikin kesel ati.
Aseng lompat naik keatas tembok pager batas halaman gedung; Pitung,Ji-i ame Rais ngikutin loncat; Pade betengger diatas tembok. Giliran Mat Item nyang belon dapet ilmu ngentengin tubuh, die coba lompat; Yah.... badannye ngebentur tembok. Buru-buru si Aseng ngeluarin tambang dari kantongnye, buat ngebantuin sobatnye.
Busyet dah...........didalemnye, dibalik tembok rupenye ade halaman nyang luas banget en tertata rapih, bikin orang betah tinggal dibenteng. “Gua disuruh tinggal di tangsi tentara kaya gini, gua juga mau dah........nih mah tempatnye orang kaye, bukan tangsi tentara.” Kate si Rais.
Ade opas nyang nauin; Die nunjuk-nunjuk, pengen ngasih tau ame temen-temennye. Si Aseng kasih komando ame si Rais pake gerakan tangannye; Si Rais ngarti, terus die lompat masuk kedalem; Tau-tau si Rais udeh ade didepan si opas; Opas digamparin; tapi die sempet tereak minta tulung. Temen-temennye pade dateng nyamperin. Ade lime orang serdadu kumpeni nyang mau nolongin.
Serentak si Aseng ame temen-temennye pade turun dari tembok buat ngebantuin si Rais; Ngikut juga Mat Item. Lime bule belande pade keluarin pedangnye; Pedangnye di sabet kekanan-kekiri; Pitung ame temen-temenye mah pake tangan kosong doang;...... Bise runyem nih. Pitung keluarin senjate nyang die andalin, piauw. ( paku-paku yang ditimpukin.)
Paku-paku piauw ‘Seribu Racun pencabut nyawa’ disentil aje; Piauw melesat kena ame sasarannye. Satu persatu pade tumbang, ngegelepar mengerang-ngerang kesakitan, lantaran piau-nye dipakein racun ular nyang bikin kerase sakit, terus lemes en mati; Kaye orang kepatuk uler cobra.
“Kite cari dimane gedung penjare buat ngebebasin Abah Haji Mat Somad; Tangkep idup-idup salah satu opas, terus kite tanyain die.” Kate si Pitung.
Semue opsir udeh pade nauin nyang mane markasnye udeh disatronin ame pengacau-pengacau.
Semue opsir udeh pade nauin nyang mane markasnye udeh disatronin ame pengacau-pengacau.
Lonceng udeh dibunyi-in, tande ade bahaya; Jadi, Si Pitung ame temen-temennye sekarang ade dalem bahaye.
Si Aseng kasih komando ame si Pitung, “Gua ame Ji-i en Rais bakal ngebukain pintu penjare; semue pintu penjare gua bakal buka, lantaran gua kagak tau dimane Abah Somad ame Abang Jampang. Nah elu ame Mat Item ngegrecokin tu belande-belande, biar die pade kalang kabut.”
Keliatannye semue serdadu keluar dari barak-baraknye, siap buat perang. Peluit ditiup nyang artinye die orang kudu bikin barisan. Sementara itu si Pitung ame Mat Item ngumpet dibalik pohon-pohonan; Untung aje kagak ade nyang nauin.
Barisan serdadu belande udeh siap; Ade kali dua ratus-an orang; Malah-an ade nyang bawe genderang ame ade nyang bawa bendera segale. Buat nangkep si Pitung aje tu orang jadi pade sibuk, kaye mau perang beneran.
Pitung keluarin senjata pamungkasnye, roket. Die sundut sumbunye terus die luncurin dari tangannye; Satu persatu. Roket langsung meluncur dari tangannye;, Melesat ke barisan serdadu-serdadu belande nyang lagi sibuk ngatur barisan. Ledakan yang keras....ngegelegar, jelegur....jelegur......jelegur, bunyinye; Susul menyusul tige kali; Nyang lagi pade baris pade mental en terus pade mampus.
Salah satu roket nyasar ke tempat tidur barak-barak serdadu kompeni. Gedungnye kebakar, nyang ade didalem behamburan pade keluar, kalang kabut.
Tuh serdadau belande pade kalang kabut; Disangkenye musuhnye ude pake meriem sundut.
Udeh barang tentu dah, banyak nyang ngegeletak mati tu belande-belande. Yang lain cari selamet; Malah ade nyang nyamperin tempat ngumpetnye si Pitung; Langsung ditonjokin satu persatu ampe pade mampus die.
“Hayo Item, kita cau, kite cari tempatnye Abah Somad.”
Didalam suasana kacau, semue serdadu kagak nauin nyang si Pitung seenaknye aje bise jalan deket-deket die orang; Emang kagak semue serdadu orang belande totok, banyak juge nyang orang melayu, same ame si Pitung en Mat Item. Jadi kesempatan siPitung ame Mat Item bebaur ame die orang.
Pitung ame Mat item nyeret dua mayat belande ketempat nyang aman, buat ambil pakaian seragamnye; terus die pake; Pitung dengan pakaian seragam cocok persis kaye opas kumpeni, jadi nggak ade deh nyang nyangke die biang kerok-nye alias pengacau.
Nggak lame kedengaran rame suara tembakan. Rupenye serdadu belande lagi pade nembakin orang-orang tahanan nyang lagi pade lari, kabur dari penjare. . Abah Somad ame Abang Jampang mengkali ade diantara die orang nyang kabur dari penjare; Kite kagak nauin juge. Si Pitung mikir, “Kalu ditembakin terus Abah Somad ame Abang Jampang bise ikut mampus dah; Gue kudu nulungin die.”
Roket tinggal dua di kantongnye si Pitung; Pitung memasang roket; roket melesat ke serdadu nyang lagi nembakin. Gelegur.....pade mental tuh belande-belande nyang lagi asyik nembakin orang.
Die orang pade bingung siape sih nyang nembakin pake meriem kanon? Kite juge punye meriem; Kalo musuh pake meriem, kite juga pake. Nggak lama die keluarin lima meriem, siap ditembakin ke musuh; Tapi musuhnye kaga ade; Jadi die orang mangkin bingung. “Busyet dah........kite lagi perang ame setan kali!” Die pikir. Emang buat orang belande, roket barang nyang aneh.
Orang-orang nyang mau kabur, keluar lagi dari sel-nye; Ade mengkali dua ratus orang. Ade tukangg copet ampe garong, ade tukang pukul ampe pimpinan pemberontak, kaye Abah Somad. Die orang udeh mau sampe di pintu gerbang. Pintu gerbangnye dibuke pakse ame die orang en berhasil terbuka.
Tapi nggak taunye, tentara kumpeni dari kesatuan nyang lain, ade didepan idung lagi nungguin, siap tembak.........wah cilake deh; Mengkali juge cilake buat si Abah Somad ame Abang Jampang.
Si Aseng kemane ye? Rupenye si Aseng, Ji-i ame Rais nyang ikut ngebuka-in pintu gerbang utama; Maksudnye juge mau nulungin Abah Somad; Tapi yang mau ditulung kagak keliatan batang idungnye.
Rombongan orang penjare jadi putus ase; Didepan ade kumpeni dibelakang juge ade kumpeni.
Die orang pelan-pelan angkat tangan en minta ampun ame meneer-meneer belande. Die orang pade nyerah ame Kumpeni.
Barisan berani mati ade lima puluh orang lebih; Pasti deh die orang ade di antara rombongan penjare nyang pade mau kabur.
Ujug-ujug bekelebat bayangan putih dari atas pohon; Perempuan tue nyamperin salah seorang pelarian, terus di tenteng tu orang, kaye nenteng keranjang. Dibawa ‘terbang’ keatas pager tembok.
Nggak lame bekelebat juge bayangan putih nyang lain, samber salah seorang pelarian; Die tenteng, loncat keatas pager tembok.
Abis itu, dua bayangan putih tadi pade ngilang kedalam utan. Siape tuh, jin ape manusie?
Aseng, Ji-i ame Rais ikut cau; Pake ilmu entengin tubuh, die orang pade loncat keatas pager tembok, terus ngikutin tuh bayangan putih.
Nggak lame si Pitung ame Mat Item manjat tembok pager, juge ngikutin kabur, mengejar si Aseng.
Aseng kejer tuh dua bayangan putih nyang nenteng dua orang pelarian bui; Akhirnye terkejar juge.
Aseng negor si nenek tue, “Suheng, aku sute Ang Goan Seng memberi hormat.”
“Eh lu masih mandang gua hah?; Lelaki kaye ape lu? Udeh kabur kagak tau malu, kagak mau bertanggung jawab; Gua kagak sudi ame laki-laki macem elu tau.”
“Tapi kenyataannye kan lu nyusul gua ke Betawi! Itu kan tandenye lu masih naro ati ame gua kan?, ............gitu kan?”
“Kagak! Gua dateng bukan mau nyari-in elu tau? Masih banyak laki-laki lain yang mau kawin ame gua.” Kate si nenek tua.
“Kalo gua sih, masih tetep nungguin elu, kagak ade perempuan lain disamping gua; Sekarang semue terserah ame elu dah; Gua sih ngikut aja ape kemauan elu.
Tapi mane tuh si Abah Somad ame Bang Jampang nyang elu udeh samber pakai jurus Elang menyambar kambing. Emang gua puji ilmu entengin tubuh nyang lu punya jauh diatas gua.”
“Noh disane noh, gua geletakin dibawe pu’un duren.” Kate si perempuan tue.
Nggak lame si Ji-i ame si Rais nongol, tapi die datengnnye telat, jadi die kagak denger dialog dua pasang kampiun silat dari Tiongkok.
Nggak lame si Ji-i ame si Rais nongol, tapi die datengnnye telat, jadi die kagak denger dialog dua pasang kampiun silat dari Tiongkok.
“Ji-i ame Rais, kite kedatengan suheng (=kakak seperguruan) gue, lu kasih hormat deh.”
Dua anak mude kasih hormat membungkuk ame nenek tua nyang pake houskoot cine warne putih.
“Name aye Ji-i’; temen aye Rais; Kite bedua memberi hormat pada bibi guru nyang namenye siape, aye belum nauin,”
“Nama gue Nona Oey Yok Nio.” Kate si nenek nyang ngaku nona.
“Name aye Rais,memberi hormat pada bibi guru.”
“Bagus lu Seng, ude ngambil murid-murid dari orang-orang Betawi.”
“Emang kagak boleh? Emangnye ada aturannye nyang ngelarang ape?.”
“Ya boleh aje...............; Gua juga udeh ngambil murid, namenye Rokayeh; Rokayeh lu kasih hormat dah ame paman guru lu. Tapi lu bebasin dulu totokan lu, biar Engkong lu bisa nafas lagi; Cepetan!”
Si Rokayeh nguncluk nyamperin engkongnye nyang lagi jongkok dibawe pu;un duren ame Bang Jampang. Terus die pake jurus Ular kobra mematuk tikus.
Untung aje si nenek nyang ngaku none, inget buat ngebebasin pengaruh totokan, kalo nggak si Engkong ame si Abang Jampang bisa mampus en kudu ngadep Giam Lo Ong (=Dewa penjaga kubur).
Si Engkong mulai bernafas teratur, kakinye bisa digerakin, matanye udeh mau terbuka, “Gua sekarang ade dimane yeh?”
“Engkong, aye Rokayeh, cucunye engkong. Tadi kan engkong lari dari penjare; Terus ditulungin ame pendekar dari Tiongkok, namenye pendekar Nona Oey Yok Nio; Nti engkong kudu kasih hormat en ucapin terime kasih ame tu pendekar yeh!”
“Oh elu Rokaye....Sekarang gue udeh inget. Gua prihatin banget ame elu; Elu kan perempuan lemah...........pegimane nasiblu; ape iya elu udeh di perkosa ame tuh serdadu kumpeni?”
“Nasib aye nggak sejelek gitu Kong; Malahan aye diangkat murid ame pendekar nona Oey. Die punye gelar “Perempuan aneh dari Selatan”. Jadi aye sekarang bukan lagi perempuan lemah, tapi udeh jadi perempuan kuat, istilahnye pendekar wanita gitu.”
“Buju busyet dah,........elu Rokayeh udeh jadi pendekar? Gua ngimpi ape yeh?”
“Kong, istifar kong, sebut Alhamdulile”
Si Pitung ame Mat Item en semuenye, udeh ade disitu, pade ngedengerin dialog antare engkong ame cucunye. Jadi semue nyang ada disitu udeh tau deh duduk permasalannye; die orang pade hormat deh ame suhengnye Si Aseng. Pitung juge hormat en memperkenalkan diri ame pendekar Oey.
“Eh Abang Jampang ade dimane yeh?” Tanye si Pitung.
“Gua disini Tung; Gue lagi ngatur nafas; Gua baru aje dibebasin dari totokan.”
Si Pitung memberi hormat ame gurunye en juga ame engkongnye.
“Tung! Lu sekarang jadi serdadu kompeni ape? Ko pake seragamnye kompeni” Tanye si Jampang.
“Kagak! Gua ame Mat Item cuman minjem bajunye orang mati nyang ade disono; Terus tuh belande-belande kire gua ame Mat Item temennye die; Jadi kite bise bebas. Sekarang tuh belande-belande pade mau nyerang kite; Die udeh nauin kite ade disini.”
Aseng kasih saran ame si Pitung, “Tenang aje Tung, nah elu lepasin tuh roket-roket gua yang masih ketinggalan di utan sono; Lu ujanin ame roket-roket tu benteng Walterfreden; Tapi ati-ati, disono masih ade temen-temen kite anggota barisan berani mati..
Aseng kasih saran ame si Pitung, “Tenang aje Tung, nah elu lepasin tuh roket-roket gua yang masih ketinggalan di utan sono; Lu ujanin ame roket-roket tu benteng Walterfreden; Tapi ati-ati, disono masih ade temen-temen kite anggota barisan berani mati..
Kite tetep ade disini buat nungguin die orang; Begitu die nongol kite timpukin ame piauw.”
Nggak lame kedengeran bunyi bedil nye belande, rame bener. Pelor-pelor pade beterbangan. Semue nye pade tiarap.
Nggak lame kedengeran bunyi bedil nye belande, rame bener. Pelor-pelor pade beterbangan. Semue nye pade tiarap.
Bunyi senapan berhenti, rupenye die orang lagi ngisi-in pelor ame mesiu. Jadi ade kesempatan; Aseng ame suheng nona Oey ‘terbang’ secepat kilat ke tempat musuh. Di belakangnye ngikut Rokayeh, Ji-i ame Rais.
Belande-belande lagi sibuk ngisi pelor ame mesiu kesenapannye; Tapi belon sempet die orang pade mau nembak lagi, udeh di gamparin ame jagoan-jagoan Marunda; Die orang pade mampus atawa pingsan.
Pitung ame Mat Item ngelepasin roket; Roket-roket beterbangan masuk kedalem benteng............Jelegur,..........jelegur .........jelegur. Api nyale ngebakar benteng.
Keliatannye semue penghuni benteng pade panik; Ade nyang kebakar en banyak juge nyang mati. Orang-orang penjara belon sempet dikembaliin ke sel; Jadi die lanjutin deh pelarian-nye menuju pintu gerbang; Tapi sayangnye, die orang banyak yang mati ditembakin ame belande.
Belande-belande nyang masih idup pade nggak berani lagi buat berantem; Die pade bubar dari barisan; Kite nggak tau pade kemane die orang. Jadi orang-orang penjare pade bebas, pulang ke rumahnye masing-masing.
Keliatannye semue penghuni benteng pade panik; Ade nyang kebakar en banyak juge nyang mati. Orang-orang penjara belon sempet dikembaliin ke sel; Jadi die lanjutin deh pelarian-nye menuju pintu gerbang; Tapi sayangnye, die orang banyak yang mati ditembakin ame belande.
Belande-belande nyang masih idup pade nggak berani lagi buat berantem; Die pade bubar dari barisan; Kite nggak tau pade kemane die orang. Jadi orang-orang penjare pade bebas, pulang ke rumahnye masing-masing.
Pitung ame Mat Item balik lagi, bekumpul ame temen-temennye . “Sudare-sudare, tugas kite yang terakhir adalah mengumpulkan barisan berani mati yang masih tertinggal”
Akhirnye si Pitung bise membawa pulang Abah Somad, Abang Jampang en juga Pendekar Nona Oey Yok Nio, suhengnye si Aseng sebagai tamu terhormat. Die orang pade balik lagi ke Marunda.
Bab 8
Semue udeh sampe ke markasnye, rumehnye Abah Somad.
Tapi bukan artinye semuenye udeh beres; Belon! Lantaran semue udeh pade maklum, nyang mane belande-belande pade bakalan dateng nyatronin lagi Kampung Marunda.
Tapi bukan artinye semuenye udeh beres; Belon! Lantaran semue udeh pade maklum, nyang mane belande-belande pade bakalan dateng nyatronin lagi Kampung Marunda.
Udeh pasti deh die orang kagak terime yang mane bentengnye abis dibakar, temen-temennye pade di-matiin, orang nyang di bui pade dilepasin en masih banyak lagi dosenye orang kampung Marunda ame Belande. Semue dose atas name Abah Somad; Kasian banget dah si Abah..............Kenape bukan si Aseng atawa si Pitung nyang nanggung dose?.
Lantaran si Abah nyang dikenal ame kumpeni en bukan si Pitung.
Kalo si Pitung mah Cuma dikenal di kampung Marunda doang.
Warge udeh pade pulang dari pengungsian, kampung udeh mulai keliatan idup lagi.
Si Aseng minta diri ame Abang Jampang juge ame Abah Somad, balik ke utan Karang Jin. “Gua minta diri balik ke Karang Jin, lantaran gua kudu bikin lagi senjata pamungkas gua, Roket. Kite orang kudu terus berantem ame belande-belande.”
Begitu juge si Nona pendekar Oey, minta diri buat balik, tapi die kagak mau kasih tau alamat rumehnye. Si nona Oey kagak bilang ape-ape, terus aje die cau. Rokayeh nauin pegimane sifat gurunye nyang aneh...kagak ade sopan-nye. Ape bener die mau bantu perjuangan warge Betawi, kagak ade nyang nauin.
Si Pitung ame Abang Jampang jadi sibuk ngatur srtrategi buat ngadepin belande. Udeh pasti die orang bakal dateng ke Marunda buat bales dendam.
Persediaan roket dari si Aseng udeh tipis, mengkali cuma tinggal sepuluh biji lagi. Si Pitung udeh mintain ame si Aseng; Die janjiin, tapi perlu waktu. Mankanye die pulang buru-buru ke rumehnye di utan Karang Jin buat bikin roket pesanan-nye si Pitung.
Persediaan roket dari si Aseng udeh tipis, mengkali cuma tinggal sepuluh biji lagi. Si Pitung udeh mintain ame si Aseng; Die janjiin, tapi perlu waktu. Mankanye die pulang buru-buru ke rumehnye di utan Karang Jin buat bikin roket pesanan-nye si Pitung.
Ade dua pintu masuk ke kampung Marunda; disitu ditaro di masing-masing tempat sepuluh pendekar pasukan berani mati nyang kudu ngejagain. Masing-masing di taro lima roket nyang siap meluncur ke barisan belande, kalo die pade dateng.
Semue warge siap ngadepin pasukan belande............idup jadi makin suse aje. Mangkanye banyak warge nyang kagak mau balik lagi ke kampungnye di Marunda
Buat si Pitung semuenye ade hikmahnye, lantaran die sekarang bise ngedeketin si Rokayeh;
Emang si Pitung lagi jato ati ame cewe nyang caem. Semue pade suse, tapi cuma si Pitung nyang senang ati-nye lantaran die ade mau-nye.
Waktu ade kesempatan si Pitung bise omong-omong ame si die, “Rokayeh, bole nggak abang ngobrol dikit aje?.”
“Mau cerite ape sih Bang?”
“Ya macem-macem nyang bise diobrolin; pan kite berdua lain jenis, abang laki-laki en ente perempuan.”
“Terus kenape?”
“Ya nggak ape-ape! Abang cume bilang gitu aje.”
“Tapi Bang, emang ade masalah serius nyang ane kudu ceritain ame abang.”
“Ape tuh?”
“Lu kudu nauin nyang mane pendekar Nona Oey, guru gue sebenernye ade permusuhan ame Si Aseng. Si Aseng nyang adik seperguruannye dulu besukaan ame si Nona Oey. Gue sih nggak tau persis permasalahannye; Tapi nyang gua tau, si Aseng kabur ninggalin gacoannye di Tiongkok; die kabur sampe ke Betawi.
Nah si Nona Oey nyusulin ampe ke Betawi; keliatannye bukan cuma masalah cinte.”
“Kok lu tau? Siape nyang cerite?”
“Waktu gue lagi latihan kuntauw, gue dibawe ame Nona Oey ke utan Karang Jin. Die nyatronin rumehnye si Aseng. Gue sih diem aje di semak-semak, ngumpet. Die ame si Aseng betengkar panjang lebar. Nah gue cuma ngambil kesimpulan dari nyang gue denger kaya gitu.”
“Jadi gua sebagai muridnye si Aseng, kudu ngapain? Gua mau ngebantuin guru gua. Tapi gua juga kagak mau musuhin bibi guru gua.”
“Maksud lu baik bener dah; Emang lu orang baik. Gua juga bingung musti pegimane, supaye die orang bisa damai”.
“Kite kudu nauin ape masalahnye; Pegimane kalo kite ke utan Karang Jin en kite korek keterangan dari si Aseng.”
“Gua setuju banget.”
Berdua berangkat ke utan Karang Jin pake jurus entengin tubuh.
Berdua berangkat ke utan Karang Jin pake jurus entengin tubuh.
Si Aseng lagi kerje bikin roket-roket; Udeh banyak sih nyang die siapin. Die kerje bukan sekedar hobi, tapi emang kewajiban buat ngebelain warge Betawi. Kewajibannye emang selaras ame cite-cite Partai Kaipang; Nonjokin orang kaye yang kagak mau sedekah, belagu, pelit, udeh gitu kagak mau kasih kerjaan ame nyang miskin. Kalo nyang namenye belande, ditambah lagi die suka mungutin pajak nyang kagak masuk diakal, pajak kepala lah..........ade-ade aje.
Pitung ame Rokayeh memberi hormat ngbungkuk-in badan pake adat Cine. Gara-gara ade pendekar wanita Nona Oey, si Pitung sekarang punye tradisi Cine, suka pakai aturan tata cara adat Cine. Sebelumnye die mah kagak begitu hormat ame gurunye sendiri. Sekarang die ngerase kudu sopan en ade aturan nye;............ Kepakse mengkali.
Tapi sebaliknye si Aseng, die kagak mau digituin, “Udeh deh!... Lu orang kagak useh ngikutin adat Cine;..... Pan gua udeh bilang ame lu nyang mane gue kagak mau di anggep orang cine; gue mau kaya lu-elu pade, orang Betawi nyang selebor, ngomong semaunye, suka ceplas-ceplos gitu.”
“Sukur dah Seng; Emang ntu nyang gua mau-in. Tapi kenape ye Seng, kalo gue boleh tau,.... lu bolak balik ngomong kepengen jadi orang Betawi; Nggak kepengen dianggep orang Cine? Kenape Seng? Jelasin dah, kite-kite kepengen tau?”
Si Aseng diem aje, kaya ade nyang dipikir ame die. Pikirannye melayang jauh kenegeri leluhur Tiongkok, ke masa lalu nya sewaktu dia jadi pendekar silat yang lihai dan disegani ame lawan en kawan dikalangan Kang ouw . Ape bener tuh?
“Yah terpakse gue buka kartu dah; Lu makse sih. Sejujurnye gue kepengen ngebuang data diri gue sebagai orang yang lahir di Tionggoan, tepatnye sebagai orang Han; Lantaran gue malu ame masyarakat didaratan Cine. Jadi gua pegi ke Betawi diem-diem; Gua kepengen nggak ade orang didaratan Cine yang mau inget ame gua lagi en gua mau die orang anggep gua udeh mati gitu. Jadi itu sebabnye gua kepengen jadi warge Betawi.”
“Malu kena ape sih Seng; ampe melarikan diri?”
“Yah mana bise gue ceritain ame lu pade; NtarJadi bakalan tambah minder dah gua.”
Tiba-tiba angin berhembus keras, daun-daun pade rontok, padahal kagak ade ujan; Kedengeran suare, “Lu pan malu lantaran gua kan!; Dasar lelaki nggak bertanggung jawab. Rokayeh!.... Ntar gua ceritain sekalian riwayatnye si Aseng yang memalukan, biar die minder;.............. Kalo gua mah kagak malu.”
Suare nye doang nyang kedengeran, tapi ujudnye kagak ade; Itu nyang namenye jurus ‘Mengirim Suare’. Tapi die juga lihai dalam jurus ‘Nguping suare dari jauh’ Buktinye die tau pembicaraan orang, meski die ade ditempat nyang jauh.
“Suheng, Ang Goan Seng memberi hormat; marilah datang untuk seteguk arak.” Aseng juge keluarin jurus ‘Mengirim Suare’
Nggak lame, Pendekar Nona Oey Yok Nio dateng, nyamperin si Aseng, “Sute, gua dateng bukannye mau rujuk lagi ame elu, tapi gue mau pibu ampe ade nyang ko-it diantare kite bedua. Lu udeh merendahkan derajat wanita”
Buru-buru si Rokayeh nyamperin gurunye, hormat care cine, “Sebo, Rokayeh ingin memberi saran kalau diijinkan, pegimane kalo kite ngomong baik-baik. Aye Rokayeh mandang muke Aseng nyang udeh jadi pahlawan orang Betawi; Jadi atas name orang Betawi sudilah Sebo memaafkan paman guru.”
“Hai Rokayeh! Emang die doang nyang jadi pahlawan orang Betawi? Kalo gua nggak tolongin lu punye Engkong ame Abang Jampang; Die orang udeh pade mampus ditembak ame belande, tau?”
“Iya dah........aye akuin nyang mane Sebo juge pahlawan orang Betawi; Kite semue satu tim yang unggul diatas musuh kite, belande.”
“Kagak..........., gua benci ame si Aseng; Die kagak masuk itungan!”
Rokayeh jadi bingung ngadepin orang nyang lagi kalap kesetanan en aneh kaya gurunye.
Si Pitung ikut bicare, “Wahai Nona Pendekar Oey, tadi aye denger ente mau cerite tentang riwayat idupnye si Aseng nyang memalukan; Nah kalo diceritain, si Aseng bakalan jadi minder en malu. Kalo gua jadi Aseng, mendingan gua ditusuk ame pedang dari pade dibikin malu ame lu nyang mau nge-beberin ceritenye ame kite-kite.”
Aseng , “Pitung lu jangan ngajarin bibi guru lo.........sialan lu!, anak putauw lu!”
“Wahai Pendekar Nona Oey yang budiman! Lu kan denger die bilang sialan ame gua en anak putauw ame gua; Nah itu artinye gua bener,...... mendingan ketusuk pedang dari pade dengerin cerite lu.
Jadi lu dah nyang milih buat nyakitin ati-nye si Aseng; Mau cerite atawa mau pibu.” Kate si Pitung.
Semua menjadi hening, kaye ade setan lewat; Lantaran semue pade bepikir.
Akhirnye si Nona Oey bilang, “Bener juga lu! Kalo gitu gua mau ceritain riwayat idupnye si Aseng ame........riwayat idupnye gua juga. Biar die malu didepan murid-muridnye sendiri,”
Kagak disangke, tiba-tiba Rokayeh terbang menuju Si Aseng secepat kilat, terus pake jurus ‘Kobra mematuk tikus’ notok jalan dare-nye si Aseng; Die kagak bise bekutik lagi. Terus die totok lagi, nyang mane jalan nafasnye si Aseng biar bise tetep lancar.”
Si Nona oey Cuma bilang kalem, “Terimekasih Rokayeh!”
Bener juga tindakan si Rokayeh; Kalo nggak digitu-in, si Aseng bakalan kabur; kagak mau ngedengerin en nggak mau dipermalukan. Keliatan mukenye Aseng merah padam, marah ame si Rokayeh; Tapi Aseng kagak bise ngomong, ape lagi ngegerakin tangan ame kakinye.
“Eh sini lu bedua,! Gua mau cerite riwayat gua; Lu pade dengerin yeh. Hai Sute! Lu juga kudu dengerin, biar lu malu sekalian” Kate si nenek tua nyang ngaku Nona Oey Yok Nio.
Bab 9
Waktu masih mude en cakep, Ang Goan Seng suka nyatronin dapur Istane Kerajaan Boan Ciu. Die dateng kedapur Istane buat ngecicipin masakan buat Raja; Yah udeh pasti secare diem-diem, pake gaya maling. Die ulang-in lagi kerjaan Engkongnye, Ang Cit Kong nyang suke ame makanan Raja; Utamenye paha ayam goreng.
Sementara itu, Koki-koki dapur Istane kaga ade nyang nauin. Ampir setiap siang, die udeh masuk Istana pake ilmu entengin tubuh, loncat pager tembok Istana, en terus nyatronin kamar makan Raja; Ngegantung di loteng dapur Istane kaya kalong.
Kalau koki-koki udeh selesai masak, terus dapur ditinggal pergi; Mulai si pemuda Ang turun dari loteng, nyamperin meja makan, ngambil paha bebek, paha ayam, cap-cay ame nasinye en juga kaga ketinggalan arak spesial; Terus die masuk-in kekantongnye. Die ngambilnye dikit-dikit aje, terus die rapih-in tuh hidangan supaye kagak ketauan ame koki Istane. Abis itu die loncat lagi ke loteng; Terus die makan tuh hidangan buat Raja, nikmat bener.
Jadinye Raja Cine makan makanan bekasnye si Aseng; Emang udeh di niatin ame si Aseng buat menghina Raje Boan nyang menjajah tanah orang Han. Emang sering banget pemberontak Han nyang suka nyatronin Istane Boan atawa Manchuria.
Emang die udeh jadi anggota partai Kaipang waktu itu, nyang pangkatnye ‘Kantong Tiga’
Ari-hari begitu aje kerjaan-nye Ang Goan Seng, ampe perutnye jadi buncit lantaran kebanyakan makan makanannye Raja nyang enak-enak.
Ari-hari begitu aje kerjaan-nye Ang Goan Seng, ampe perutnye jadi buncit lantaran kebanyakan makan makanannye Raja nyang enak-enak.
Suatu hari waktu die lagi enak menikmati hidangan Raja diatas loteng, kayu nyang die injek patah,....’krekek. Ade perempuan nyang ngedongak kepalanye, liat keatas loteng; Waktu die liat ade orang nyang lagi gelantungan sambil makan paha ayam; Die teriak, “Maling! Maling! Tangkap!”
Ang Goan Seng mau lari tapi Istane udeh dikepung ame pendekar-pendekar silat nyang tugasnye jage keluarga Kerajaan. Die turun, terus betempur sebisenye ame tuh penjage nyang dateng bejibun. Akhirnye die ditangkep terus dimasukin kekerangkeng.
Perempuan nyang duluan nauin, ternyate anak gadisnye Raja atau Putri Kerajaan; Namenye Teratai Malam. Die Putri Raja yang cantik; usie-nye remaja menjelang dewasa; Lagi meger-megernye.
Raja yang sedang berkuasa, namenye Hoang Ti dari dinasti Boan Manchuria. Emang waktu itu Bangsa Han lagi dijajah ame Bangsa Manchuria. Bangsa Han mengadakan pemberontakan;
Seringkali die orang menyerang sampe ke Istana terlarang.
Si Aseng alias Ang Goan Seng emang lagi sial, terpakse masuk penjare; Gare-gare kebanyakan makan enak, perutnye jadi buncit, terus berat badannye naik; Jadi ilmu entengin tubuhnye kendor; Akhirnye patah tu kayu loteng nyang die duduk-in.
Teratai Malam berpikir, “Pasti die pendekar dari kalangan Kangouw nyang lagi memata-matai keadaan Istana; Nasibnye bakalan jelek, kalo die ampe jato ketangan militer Kerajaan;Bakalan mampus die; Sayang kalo gua nggak tulungin die; Die kudu dimanfaat-in demi Kerajaan.
Sebenernye, die bisa dipake buat mematahkan pemberontakan Han; Jadi bagusnye gua nyang interograsi. Terus gua mau pake die buat perantara supaye gua bise sampe ke Markas Pemberontak. Gua bise membantu Kerajaan untuk bise meredam pemberontakan.”
Teratai Malam kasih instruksi ame pengawalnye buat bawa si Aseng ke kantornye.
Aseng di bawa dengan pengawalan ketat ke kantor si Putri. Aseng mikir, “Ko kenape gua dibawa kesini, bukan ke kantor militer? Thian emang lagi baek ame gua dah”.
“Hai pasukan mata-mata! Siape name lu?” Tanye si Teratai Malam.
“Ang Goan Seng. Tapi gua bukan pasukan mata-mata Nona Tuan Putri, aye Cuma seorang pencuri nyang lagi kelaparan.”
“Sudah lu nggak usah bohong ame gua! Gua udah tau ape nyang lu rencanain, hai pemberontak. Hukumannye udeh pasti bakalan hukuman mati buat elu! Lu kan pemberontak yeh; Jadi elu dari Partai ape?.
“Gua punya partai, namenye Partai Kaipang atawa Partai Pengemis. Ampun dah! Gua ngaku dah, tapi jangan dihukum mati.”
“Ape lu ade saran ame gua, supaya lu kagak jadi dihukum mati?”
“Gua nyerah dah; Gua mau diapain ke, asal jangan dihukum mati; Terserah lu dah.”
“Gua mau, lu anterin gua ke markas lu, Markasnye Partai Pengemis; Gua mau tau dimane markas lu.
Gua kagak bakal mau nyakitin atau bakal mati-in lu, tapi lu juga kagak boleh nyakitin gua, ngarti? Kalu lu macem-macem ame gua, pengawal gua bakal ngadepin elu; Gua bawa pengawal nyang tersembunyi.”
“Iya gua anterin lu ke markas gua; Gua kagak bakal nyakitin elu.”
Sepasang anak muda berkuda ke markas Partai Kaipang; Die orang adalah Putri Teratai Malam en Ang Goan Seng. Nyang satu seorang Putri Manchuria, nyang lain pemuda Han. Udeh jelas dong, Putri Teratai Malam memakai pakaian rakyat biasa; Jadi kagak ade nyang nauin die Putri Kerajaan Boan.
Sepasang anak muda berkuda ke markas Partai Kaipang; Die orang adalah Putri Teratai Malam en Ang Goan Seng. Nyang satu seorang Putri Manchuria, nyang lain pemuda Han. Udeh jelas dong, Putri Teratai Malam memakai pakaian rakyat biasa; Jadi kagak ade nyang nauin die Putri Kerajaan Boan.
Aseng bilang, “Wahai Tuan Putri, sebenernye Partai Pengemis kagak punye gedung nyang gua bise banggain ame elu sebagai Markasnye; Nyang ade Cuma gubuk kecil-kecilan ame guha batu, lantaran kite Cuma perkumpulan orang miskin nyang perlu cari makan dengan care mengemis.”
“Sebelumnye gua mau ingetin ame lu yeh; Lu jangan panggil gua Tuan Putri; Itu mah same aje lu bongkar identitas gua didepan umum; Kalo ade nyang tau identitas gua, gua bise cilake. Jadi gua mau tanya ame lu, lu mau bechianat ape nggak?”
“Gua nggak bakal berchianat......”
Si Aseng diem en berpikir, “Sebaiknye die gua kasih name samaran, supaye aman dah. Terus die ngomong, “ Pegimane kalo gua kasih elu nama samaran, supaye elu bise aman.”
“Iye, gua setuju banget dah; Coba gua mau denger jadi name gua ape tuh?”
“Pendekar Nona Oey Yok Nio.”
“Wah bagus banget tuh name.”
“Ntar kalo ade orang nanye siape keluarga lu, lu bilang aje name bapak lu Oey Thee Sun. Kalo die nanya lagi siape engkong lu, lu bilang aje namenye Oey Yok Su.”
“Kamsia Aseng, lu punya otak emang encer.” Kate si Pendekar Nona Oey; Mukenye berseri-seri sangking seneng nye. “Eh ngomong-ngomong Oey Yok Su, yang gua tau pan Pendekar si Aneh dari Timur.”
“Iya emang bener; Kan ngaku-ngaku cucunye boleh dong....Pan lu cocok sebagai cucunye, lantaran lu kan juge aneh.”
“Enak aje lu; Emang gua aneh ape?”
“Kalo gua jadi elu, gua mendingan tinggal aje di Istane.......Ngapain kelayapan kagak ade juntrungannye, cari perkare aje. Mangkanye gua bilang lu aneh.”
“Gua mau liat en ngerasain pegimane jadi pendekar silat.”
“Oh gitu? Bukan nye mau nyamperin Markas gua; Kate lu gitu?.”
“Iya bener, tapi jadi pendekar kan boleh, .......pan elu nyang kasih gua gelar pendekar.”
“Sekarang gua serius nih; Pegimane kalo elu jadi muridnye guru gua. Ini mah usul gua aja; Kalo elu kagak mau ya kagak ape-ape.”
“Gua mau! Tapi gua jadi suheng; Lu sute, gua.”
“Kenape gitu?”
“Supaye gua bisa nyuruh-nyuruh elu en lu hormat ame gua.”
“Dasar lu orang aneh;............Iya deh gua setuju aje.”
“Ngomong-ngomong gua mau dibawa kemane nih? Pan nih utan?”
“Kan gua udah bilang tadi, gua kagak punya markas nyang bise gua banggain ame elu; Nyang ade gubug-gubug ame guha batu di hutan buat tempat tinggal gua. Kalo lu nggak mau ya udah.?
“Ade siape disono?”
“Ade guru gua ame temen-temen seperjuangan gua, di dalem keanggotaan Partai”
“Jadi lu tinggal di guha kaya gini Seng?”
“Gua tinggal di gubug; Kalo lu jadi muridnye suhu, lu dapet rumah nyang layak lu tinggalin dah;. Kalo gua jadi orang kaya, gua kagak bakal jadi anggota Partai Kaipang.”
Nggak lama keluar orang tue dari guha; Itu gurunye si Aseng, namenye Ciu Pek Tong. Gelarnye
‘Situa Nakal’ “Hai Aseng! Lu kan belon waktunye kawin, ko lu bawa cewe segale; Siape tuh? Cewe lu yeh?” Kate Ciu Pek Tong.
Si Aseng memberi hormat, di-ikutin ame Pendekar Nona Oey, “Suhu, aye bawa Nona Oey nyang mau jadi murid; Boleh ape nggak suhu?”
“Boleh, boleh, boleh; Apa lagi murid cewe nyang caem. Tapi lu jawab dulu pertanyaan gua, itu cewe lu ape bukan?”
“Iye suhu, gua dapet di jalan, terus die mau ame gua.”
Nona Oey bilang, “Kagak, gua bukan cewenye; Enak aje lu Seng!”
“Lu ngaku-ngaku-in anak orang.......,Abahnye bise mare ame lu.” Kate Ciu Pek Tong
“Iyeh....Gua coba-coba, siape tau die mau ame gua; Kalo die mau, kan gua asoy.”
“Eh sialan lu.........emang gua cewe apa-an? Sembarangan aje lu!” Kate Nona Oey
“Lu macem-macem, gua bongkar rahasie lu!” Kate si Aseng, mengancam
Si Nona Oey terdiam sebentar; Mukenye jadi pucat.
Si Nona Oey terdiam sebentar; Mukenye jadi pucat.
“Iya deh kite damai dah.” Kate si Nona nyang ketakutan; Lantaran Kalo orang pade tau die sebenernye orang Boan, apelagi Putri Kerajaan Boan,.........bise runyem.
“Eh tunggu dulu! Rahasia ape tuh, gua kepengen tau, Hayo jelasin Seng!” Kate Ciu Pek Tong.
Si Aseng menenangkan diri, “Begini Suhu, tadi sebelon kesini, die udeh gua cipok.....eh die mau aje, lantaran gue udeh janji-in ame die buat jadi muridnye Suhu.”
“Oh gitu! Itu mah lumrah aje! Namenye juge anak mude.” Kate Ciu Pek Tong.
Si Nona cemberut aje.
Ciu Pek Tong jadi mengangkat murid buat si Nona Oey; Juga die setuju nyang mane si Nona Oey minte dipanggil suheng; Emang aneh permintaannye, seharusnye kan ‘Sute’ karena masuknye ke perguruan belakangan.
Nona Oey menolak untuk menjadi anggota Partai Kaipang, lantaram die tau, Partai ini paling keras menentang Kerajaan Boan Ciu. Alasan nyang dipake, die bukan orang miskin. Si Nona nyang Putri Kerajaan Boan masih dalem cita-cita membasmi kaum pemberontak bangsa Han.
Si Nona Oey berlatih keras untuk dapat menyamai kepandaian sutenya; Kalo bise lebih jago dari si Aseng. Sebab suheng harus lebih jago dari sute.
Si Nona Oey berlatih keras untuk dapat menyamai kepandaian sutenya; Kalo bise lebih jago dari si Aseng. Sebab suheng harus lebih jago dari sute.
Si Aseng ikut nemenin si Nona berlatih dengan penuh kemesraan; Emang si Nona perempuan nyang caem en lama-lama si Aseng bener-bener jato ati setengah mati.
Tahun demi tahun telah berlalu; Oey Yok Nio sudah menyamai kepandaian Ang Goan Seng. Tapi die berambisi untuk dapat lebih pandai; Tapi kalo gurunye same ame gurunye si Aseng, Si tua nakal... ya, same aje bo’ong. Jadi die kepengen menuntut ilmu yang lebih, dari guru yang lain.
Sementara itu hubungan antara Aseng dengan Nona Oey semakin mesra; Ternyata cinta yang dilancarkan oleh Aseng mendapat sambutan.
Pada suatu malam, selagi Nona Oey Yok Nio berlatih sendiri di utan, terdengar suara yang aneh;
Seperti suara gemuruh, bukan suara air dan juga bukan suara angin. Nona lompat keatas pohon pakai ilmu ‘Gin Kang’...... en, duduk menanti.
Tidak lama kemudian, terlihat segerombolan ular menjalar di lantai hutan. Mengapa ular bise idup berkelompok? Hal yang aneh. Semua ular yang berbisa ada disitu; Ada kobra, ular hijau, ular Mamba, ular kadut, ulat tiger dan masih banyak yang lain.
Lebih aneh lagi, ternyata ade orangnye nyang piare; Die lagi ngangon atawa mengembalakan ular-ular itu. Pekerjaan aneh! Untuk apa ular dipelihara dan digembalakan di tengah malam?
Si Nona turun melayang dari pohon, langsung menegor si pengembala, “Hai sudare, lu kagak boleh lewat sini; Ini daerah kekuasaan gua.!
“Ini daerah utan nyang nggak bertuan, ,siape aje boleh lewat disini.”
“Kecuali orang nyang suka bawa ular-ular berbisa. Die kudu minta izin dari gua.”
“Akur dah! Gua sekarang minta izin ame lu; Gua lagi pengen cepet-cepet pigi, jadi gua kaga bise lame-lame ame lu orang.”
Si pengembala ular langsung mau cau.
“Eh...eh....tunggu dulu; Lantaran nyang lu kerjain aneh, gua perlu tau, siape lu punya majikan. Gua tau, pan elu cuman orang upahan doang, kan?.”
“Kalo gua kagak mau ngasih tau, lu mau ape?”
“Gua gampar lu!”
Si pengembala ular pasang kuda-kuda en si nona mulai menyerang. Langsung aje berdua berantem gebuk-gebukan. Keduanya sama-sama tangguh. Akhirnya si nona mengeluarkan jurus andalannya ‘Naga menggoyang ekor’
Si pengembala langsung mental kena anginnye doang, terus pingsan. Sementara itu ular-ular berbisa menghentikan perjalanannya dan seolah-olah ikut menonton, sungguh aneh bin ajaib....!;
Kelihatannya ular-ular itu terlatih dan disiplin. Kemudian ular-ular itu siap bertarung dengan musuh tuannya dengan cara mengelilingi dan melindungi tubuh tuannya; Utamanya King Cobra, menegakkan tubuhnya dan menyemburkan bisanya kearah muka si nona, waktu dia mau mendekat.
Si pengembala ular mulai sadar; Dia merogoh sakunya dan menyentil paku beracun ke arah si nona,.....kena!
Si nona menjerit kesakitan. Paku beracun yang disebut ‘Piauw’ mengandung racun ular dari berbagai macam bisa ular; menimbulkan rasa sakit yang bukan main dan menyebarkan racunnya ke seluruh tubuh korban. Si Nona terduduk, mukanya mulai pucat dan nafasnya tersengal-sengal.
Piauw ini nyang disebut ‘Seribu racun pencabut nyawa’ pernah dipake ame Pitung waktu menyerang Waltefreden Forth.
Si pengembala ular bilang, “Hai Pendekar! Pan gua udeh kasi tau ame lu! Gua pengen cepet-cepet en pengen angkat kaki, tapi lu nyang mula-in duluan ngajakin berantem.
Selamat tinggal dah en salam ame tu malaikat Giam Lo Ong.” Abis ntu die mulai melangkah sambil membawa semua ular-ularnya.
“Hai tunggu! Gua nyerah! Tulungin gua! Gua mohon ame lu nyang baek ati, tulung kasi-in penawar racun-nye. Gua nyerah dah, lu mau apain gua, terserah elu dah; Lu punya majikan boleh aje kasih hukuman ame gua dah.”
Thian (Tuhan) masih melindungi, ternyata si Pengembala ular menghentikan langkahnya dan berbalik mendekati si Nona yang kelihatan semakin parah.
“Kalo gua telat aje nulungin elu, lu bakalan mampus!. Jadi lu sekarang jadi tawanan gua. Nih lu minum dah ramuan obat gua, nih!”
Si Nona minum cairan dari kendi keramik porselen seperti tempat arak; Terasa anyir dan sedikit masam rasa obatnya, tapi harus diminum habis.”
Rasa sakit yang dideritanya mulai berkurang sedikit demi sedikit dan nafasnya mulai teratur; Sekarang badannya mulai terasa nyaman.”
“Gua kagak boleh lama-lama disini, lantaran gua ditunggu-in ame majikan. Baek dah lu sekarang bebas; Lu boleh pegi....Lu boleh pegi kemane lu suka!” Kate si pengembala ular.
Si Nona belum sanggup berdiri, jadi dia memang pantas untuk ditinggalkan, “Hai, sobat.... Gua lebih senang jadi tawanan lu aja, lantaran gua perlu dapetin obat penawar racun nyang lain; Gua
belon sembuh. Gua mohon belas kasihan lu.”
“Baek, lu bakalan gua adep-in ame majikan gua; Die emang paling doyan ame perempuan kaye elu; Lu pasti bakalan dijadi-in gundik.”
Terpaksa si Nona digendong oleh si Pengembala hingga sampai di tempat majikannya.
“Kong gua bawa-in elu perempuan caem buat engkong; Gua yakin Engkong bakalan senang ame nih perempuan.”
Si kakek mengangguk-angguk saja, belum mau bicara. Walaupun sudah tua, tetapi fisiknya masih kuat dan cerdas; Hanya kulitnya yang membuat dia kelihatan tua.
Si kakek adalah seorang akhli didalam meramu obat-obatan dan racun. Ular-ular yang dibawa itu adalah ular-ular peliharaannya untuk dibuat obat.
Name tuh Kakek, Auwyang Hong. Gelarannye ‘Si Raja racun dari barat’
“Eh ......lu bukannye bawe perempuan caem, tapi orang sakit, ampir mampus; Die kudu diobatin en dirawat, secepatnya.........Die sakitnye gawat.
Gua tau lu udeh timpuk die pake piauw ‘Seribu racun pencabut nyawa’ kan?, En elu udeh kasih obat penawar nye, ‘Bunga Mawar pengikat racun’ kan?
Gua tanye sekarang, ape lagi nyang elu belon kasih-in obat buat die?” Si Engkong nanye ame cucunye, si pengembala ular.
Si Engkong Auwyang Hong cepet-cepet memberi totokan menghentikan aliran darah, terus si Nona dibawa ke dipan, dibuat posisinye duduk besila; Auwyang Hong kasih tenaga dalemnye melalui telapak tangan ke punngung si Nona. Nggak lame si Nona muntah dare item, bekali-kali.....ampe muntahnye bersih, nggak ade dare-nye.
“Bagaimana Nyonya? Apa sekarang lebih enak?”
“Terimakasih ‘Suhu’! Cuma Thian nyang bakal ngebalesin amal bae Suhu.” Kate si Nona oey.
“Eh ko elu manggil gua Suhu? Sejak kapan elu jadi murid gua ha? Gua kenal elu juga kagak! Enak aje lu ngomong sembarangan!”
“Maaf Suhu! Kalau lu nggak mau dipanggil suhu, gua panggil elu Engkong aja deh, lu mau kagak? Nah lu sendiri manggil gua Nyonya, enak aje lu; Kan gua nih Nona, tau!”
“Terserah elu dah! Mau Nyonya ke, mau Nona ke.........emang gua pikirin ape? Tapi gua demen ame sifat elu nyang ceplas ceplos,............Iya deh lu boleh panggil gua Suhu.”
“Suhu, Gua tau sekarang! Ni ari, ari keberuntungan buat gua, lantaran gua da
petin Suhu nyang bae ati en pinter ngobatin orang.” Kate si Nona.
Nggak lame dateng si pengembala ular, “Hai pendekar! Lu ampir aje mampus, masih berani bilang ‘Ari keberuntungan. Kalo nggak gua tulungin lu..............Nih obat buat elu! Lu kudu minum, biar cepet bae!”
Auwyang Hong merebut botol yang mau dikasih, “A Pin! Lu salah ngambil obat, bukan nyang ini. Noh nyang di lemari nomer dua, nomer botolnye 512. Jadinye, lu belon lulus, kudu belajar lagi!”
Si A Pin balik lagi kelemari nomer dua dan ambil obat di botol nomer 512; Nguncluk lagi nyamperin si Nona, kasi-in obatnye.
“Terimakasih suheng A Pin, Cuma Thian nyang ngebales budi baik elu.”
“Beraninye elu manggil gua Suheng!”
“Dari pade elu manggil gua Sebo, mendingan lu manggil gua sute.”
“Ko gitu, ..........sejak kapan lu jadi ‘Sebo’ gua?”
“Kan elu nyang bilang,..............katanye gua mau dijadiin gundiknye majikan elu. Tapi majikan elu nyang merangkap Suhu elu, bilang gua nih muridnye; En die suhu gua. Jadinye, gua kagak jadi sebo elu tapi sute.” Kate si Nona.
“Elu emang sialan......! Iya deh, jadinye elu sute gua.”
Sejak itu, si Nona Oey Yok Nio menjadi muridnye Auwyang Hong, si Raja Racun dari barat. Ilmu nyang die dapetin dari Auwyang Hong Ilmu racun-segala macem racun; Ilmu meringankan tubuh dengan jurus ‘Elang menyambar kambing; Ilmu membuat piauw ‘Seribu racun pencabut nyawa’, Ilmu tenaga dalam dan masih banyak lagi nyang laen, seperti ilmu mengobati orang sakit,.....En nyang paling didemenin ame si Nona, ilmu membuat obat-obat awet muda dan kecantikan.
Si Nona belajar ilmu selame enam bulan. Sekarang die jadi tambah cantik. Die punye bodi....aduhai.....Lu mau tau rahasienye kan....’Ramuan Bulan Mejeng’
Si Nona Oey diskusi ame suhunye tentang obat ‘Ramuan Bulan Mejeng’; Katenye, “Suhu tolong dijelasin biar aye ngarti, pegimane carenye kerje ni obat.”
Si Nona Oey diskusi ame suhunye tentang obat ‘Ramuan Bulan Mejeng’; Katenye, “Suhu tolong dijelasin biar aye ngarti, pegimane carenye kerje ni obat.”
“Nih obat diramu dari ginjal kodok Utara. Nih kodok buduk, kulitnye item ame keriput.....boleh dibilang die biangnye kodok buduk. Hormon nyang ade di ginjalnye bise dipakai buat ngalusin kulit orang, lantaran ni hormon kerje-nye ngejage si kulit kodok supaye nggak terlalu rusak bener. Jadi kalau kite pake buat obat, kulit kita jadi alus en putih...kaye lu punye kulit sekarang.”
“Tapi Suhu punye kulit sekarang ko kayak kodok buduk, item en keriput...aneh? Emangnye lu kagak bise ngobatin sendiri ape?”
“Gua berkorban....badan gua udeh dibuat percobaan ame gue sendiri; Udeh macem-macem racun en hormon, termasuk hormon ginjal kodok buduk nyang gue telen....Jadi kayak gini jadinye........!
Tapi ade nyang gua mau sampein ame elu, lu jangan menikah dulu sebelon obat Ramuan Bulan Mejeng di stop selame setahun.....Inget tuh!”
“Emangnye kenape? Ape hubungannye tuh obat ame menikah, tolong dijelasin dah?” Tanye si Nona Oey.
“Sewaktu wanita menjadi hamil, die keluarin hormon kehamilan; Nah hormon kodok buduk nyang ade di ramuan tadi, terikat ame hormon kehamilan, terus kerjenye jadi ngaco....bikin kulit item en keriput same ame kodok buduk Utara. Jadi lu kudu inget tuh...obatnye kudu distop selame setahun.”
Setelah enam bulan menghilang, dia kembali lagi ke rumah perguruan Ciu Pek Tong.
Si Aseng kebingungan selama gacoannye menghilang. Terase bener die emang keilangan gacoannye; Itu tandenye die emang cintrong banget dah ame si Teratai Malam.
Suatu malam Si Aseng ber latih Kungfu ‘ Naga menggoyang ekor’, Dia mendengar suara orang sedang bersiul-siul melagukan lagu cinta kesukaan gacoannye. Kedengarannye dari semak-semak, mengkali ade orang nyang ngintip nih......
Nggak lame....si Nona Oey Yok Nio dateng nyamperin, memeluk Aseng dan mencium Aseng, “Lu masih cinte nggak ame gua?”
“Eh....elu jadinye nyang ngintip,.....iyeh, iyeh gua cinta banget ame elu. Tapi sekarang lu beda ame nyang dulu? “
“Yang beda apenye?”
“Lu makin caem en bahenol.........Gile banget dah!.....Gua jadi makin cinte ame elu.Hai sayang! Lu kemane aje sih? Gua ampir gila mikirin elu nyang ngilang.”
“Gua belajar ame guru gua nyang baru, namenye suhu Auwyang Hong
“Gile lu! Auwyang Hong itu kan musuh bebuyutannye Suhu kite. Nage-nagenye elu bakalan jadi anak Putauw ame Suhu.”
Si Nona Oey Yok Nio terdiam; Die lagi mikir-mikir perannye nyang sebenarnye? “Gua kan dateng kesini dari Istane Boan bawa misi dari Kerajaan; Buat dapetin Ilmu, data musuh dari kaum pemberontak bangsa Han en yang penting strategi menghancurkan perlawanan kaum pemberontak; Sekarang waktunye balik ke Istane. Kalo gua ade hoki, gua bise pengaruhin nih si Aseng”
Si Nona bilang, “Seng, kalo ade umur panjang en kite berjodoh, gua sih kepengen jadi istri lu.
Sekarang mah terserah elu aja...., lantaran gua mau balik ke Istane Boan. Kalo lu mau ikut gua hayo.....; Lu bakal jadi suami gua. Pegimane pendapat lu?.”
“Lu jangan mengalihkan pembicaraan! Pegimane tanggung jawab lu nyang mane lu udeh berchianat ame suhu kite.”
“Gua sih kagak ade urusan ame Ciu Pek Tong atawa Auwyang Hong; Emang gua pikirin ape. Lu kan tau gua sebenernye! Gua Putri Teratai Malam dari Kerajaan Boan en elu kan tawanan gua nyang hampir aje lu dihukum mati, tapi udeh gua tulungin.”
Sekarang gilirannye Ang Goan Seng nyang diem. Die lagi mikir-mikir, “ Emang sih gua kudu lepasin die buat balik ke Istane; Tapi Suhu bakalan tau kalo die balik ke Istane Boan ; Suhu bakalan curige ame gua, siape die? Ko balik ke Istane musuh? Gua jadi ketahuan belangnye, berchianat ame bangsa sendiri.......Gua bise runyem dah.
Kalo gua pegi ame die, jadi gua udeh terang-terangan berchianat ame bangsa sendiri; Tapi idup gue bakal senang, kagak bakalan iadi pengemis di Partai en jangan-jangan gua bise diangkat jadi Raja.....? Buju busyet dah........!”
Akhirnye si Aseng ngomong secare lemah lembut kaye orang lagi besukaan,” Gua kagak bise dipisah-in ame elu; Lu makin cantik sepulang dari kandangnye musuh Auwyang Hong.”
“Emang bener gue makin cantik, lantaran gue belajar ilmu ame die(Auwyang Hong) nyang mane die bise bikin obat-obat kecantikan. Semue ramuannye udeh gue salin ke buku gue.
Tapi si Raja Racun, kulitnye die sendiri keriput, item en kasar. Kasian yeh!”
“Ah itu mah kulitnye orang tue.........emang gitu orang tue.”
“Jadi kapan lu pengen balik?” Tanye si Aseng.
“Minggu depan atawa ampe si Tua nakal nauin nyang mane gua perempuan Boan.”
Sementara itu, Ciu Pek Tong ade di luar guha nyang cukup jauh; Die pakai jurus ‘Nguping pembicaraan dari jauh’.............Terbongkar semue rahasia si Nona ame si Aseng, lantaran die nguping ape nyang udeh diomongin.
Sementara itu, Ciu Pek Tong ade di luar guha nyang cukup jauh; Die pakai jurus ‘Nguping pembicaraan dari jauh’.............Terbongkar semue rahasia si Nona ame si Aseng, lantaran die nguping ape nyang udeh diomongin.
Tapi emang dasar si Tua nakal, die sekarang mikir strategi ape nyang bakalan die kerjain buat bikin berdua kapok; Die pura-pura kagak nauin.
Aseng ame si Nona semakin mesra, lantaran si Aseng ngerasa pengen ditinggal ame gacoannye nyang ari ke ari makin cantik. Hingga akhirnye, setan bise masuk ke otak kedua pasang merpati, nyang mane die orang melakukan hubungan intim layaknye suami istri. Padahal pekerjaan itu dilarang ame Ciu Pek Tong en seluruh anggota perguruan silat.
Walhasil, Perguruan Ciu Pek Tong tetap tenang lantaran semue masih jadi rahasie.
Ciu Pek Tong pura-pura tidak tau semua peristiwa, padahal die sudah tau banget lantaran jurus ‘Nguping dari jauh’
Ciu Pek Tong pura-pura tidak tau semua peristiwa, padahal die sudah tau banget lantaran jurus ‘Nguping dari jauh’
Die tau banget pegimane Auwyang Hong yang sebenarnye; Si Raja Racun nyang suka nge-banggain dirinye bise bikin perempuan jadi cantik. Tapimenurut pengalaman sipemakai, obatnye malah bikin orang cilake.
Setelah perempuan itu kawin en mengadakan hubungan suami istri, kulit perempuan itu menjadi keriput en tua kaya nenek-nenek. Nyang bikin heran, die tetep aje jual obatnye, padahal udeh banyak konsumen nyang protes.
Sekarang benar terjadi atas diri si Nona Pendekar Oey Yok Nio; Setelah berhubungan intim dengan Aseng, kulitnya menjadi keriput dan menghitam
“Hai Nona Oey, kulit lu sekarang jadi keriput; Ko bise begitu yeh? Mengkali lu pake obatnye kebanyakan.” Kata si Aseng
Si Nona Oey menangis sejadi-jadinye lantaran die keliatan seperti nenek-nenek waktu die ngaca. Boleh dikate, orang kagak ade nyang ngenalin lagi; si Nona yang semula cantik, sekarang udeh jadi perempuan tua.
Nyang bikin die semakin kepukul, si Aseng kabur mendadak, kagak tau kemane paran. Nage-nagenye die minder atawa malu jalan ame ‘nenek-nenek’
Akhirnye, die ngadu ame Suhu Ciu Pek Tong. Ciu Pek Tong kagak mau jawab atawa komentar, cuman angguk-angguk. Kepalenye.
Pada akhirnya si Tua nakal tanye, “Lu pake obat kecantikan dari mane? Belinye dimane en siape nyang jual? Noh lu kesono dah ngadu; Gua yakin dah, obat kecantikan lu nyang udeh bikin lu runyem.”
Si Nona berpikir, “Sepertinye die tau, gua udeh jadi muridnye Auwyang Hong; Gua kudu ngapain? Baiknya gua cau, balik ke Istane Boan ame si Aseng.”
Nyang lebih mengherankan, semue udeh pade tau yang mane si Nona udeh jadi muridnye Auwyang Hong. Yang paling gile, orang-orang juge pade ngegosip yang mane si Nona sebenernye perempuan Boan. Siape sih sumber gosip?
Lantaran gosip udeh santer bener dah, terpakse Ciu Pek Tong memanggil kedua pasang merpati buat ditanyain kebenerannye.
Si Nona Oey Yok Nio nguncluk nyamperin suhu; Die sendirian.....Kemane si Aseng yeh?
“Hai Nona, mane si Aseng lu?”
“Hai Nona, mane si Aseng lu?”
“Mane gua tau! Sejak gue jadi nenek-nenek, die malu jalan ame gua;.........Mengkali die udeh kabur.”
“Jadi elu sebenernye Putri Kerajaan Boan kan? Nyang bilang begitu temen-temen elu sendiri.”
“Benar Suhu! Si Nona Oey bercerita sejujurnye ape adenye ame suhunye; Pegimane ceritenye nyang die nangkep si Aseng nyang lagi nyolong goreng paha ayam di dapur Istane, sampai die dateng ke perguruannye situa nakal.”
“Hmmm bagus yeh.....! Emang kite orang Han lagi berontak melawan penjajahan bangsa Boan en salah satu dari pahlawan Boan adalah elu sendiri; Nyang ternyate seorang Putri
Kerajaan.....Busyet dah!” Kate Ciu Pek Tong.
“Suhu, aye terime sale; Terus suhu mau kasih hukuman ape ame gua? Hukuman mati? Silahkan suhu!”
“Emang semue orang Boan patriotik, beda ame orang Han; Gue salut ame elu dah! Tapi elu seorang Putri Kerajaan, jadinye elu ditungguin ame pembesar Boan buat die orang angkat elu jadi Ratu.....Iya kan?
Nah gua kagak berani dah maen-maen sembarangan ame Ratu Boan. Sekarang elu boleh pulang ke Istane; Sebelonnye gua saran-in nih, elu mampir dah ke sobat gua, si Auwyang Hong; Lu minte tanggung jawabnye dah............nyang mane tuh obat kecantikannye udeh berakibat runyem. Lu pergi dah, gua nggak bakal kasih hukuman ame elu!”
Si Nona tidak menyangka sebegitu bae nye sang suhu, “Kalo pake aturan di Kerajaan Boan, udeh jelas orang kaya gua, hukumannye, mati” Pikir si nona.
Ciu Pek Tong mengkonsentrasikan tenaganya dan mengeluarkan suara pake jurus ‘Mengirim Suara’ “Aseng!....Aseng!....Aseng!.....Gua Ciu Pek Tong manggil elu! Lu nggak useh takut ame gua, dateng dah. Gacoan lu bakal pulang ke Istane; Kalo lu nggak nemuin die, lu nyesel banget dah........nyesel seumur idup elu.”
“Terimakasih suhu; Aye minte diri. Tapi ape bise die denger suhu?” Kate si Nona.
"Gua yakin die denger! Tapi keliatannye die lagi takut nemuin gua."
“Hai tunggu sebentar aje, siape tau si Aseng nongol.....cluk, cluk, cluk, terus nyamperin elu; Elu kan gacoan nye die, bener kan?” Kate Ciu Pek Tong; Kite nggak tau die bener-bener kasian ame
si Nona,......ape lagi ngeledek?
“Kagak suhu, udeh kagak lagi lantaran gue udeh jadi nenek-nenek.” Kate si Nona sambil meneteskan air mate; Kelihatan bener die patah ati......Kasian beeng dah!
Si Nona Oey ngomong lagi, “Gua tungguin satu jam suhu, sesuai saran suhu. Tapi kalu die nggak dateng, kite putus.........emangnye cuman die laki-laki di Dunie.” Kate si Nona nyang masih mengharap kedatangan si Aseng.
“Sebelon lu pegi, gua mau ajarin elu jurus ‘Mengirim suare” en jurus “Nguping dari jauh” Kate Ciu Pek Tong.
“Oh jadinye ade juga pasangannye; Kirain cume mengirim suare doang, kirenye ade juge nguping dari jauh...........Jadi selame ini Suhu udeh ngedengerin omongan-omongan gua ame si Aseng yeh?”
‘Iye...Gua emang udeh tau semue rahasie elu; Gua tau-nye bukan dari gosip, tapi emang gua ngedengerin semue nye nyang elu udeh bahas ame si Aseng. Jadi si Aseng udeh masukin seorang musuh, yaitu elu sendiri, kedalem markasnye orang Han;.... Dosenye berat nyang mane kudu dihukum mati; Mangkanye die kabur ketakutan.
Bilangin ame die kalo ketemu, gua kasih maaf! Gua nggak kasih hukuman ape-ape.
Lu ajarin die bae-bae, jurus mengirim suare ame nguping dari jauh; supaye kite waspada ame musuh. Eh ......ngomong-ngomong, ......jadinye gua ame elu bemusuhan ye, lantaran elu kan perempuan Boan.”
Lu ajarin die bae-bae, jurus mengirim suare ame nguping dari jauh; supaye kite waspada ame musuh. Eh ......ngomong-ngomong, ......jadinye gua ame elu bemusuhan ye, lantaran elu kan perempuan Boan.”
“Kagak suhu, suhu bukan musuh aye; Kite orang-orang Manchuria mau berdamai en berbaur ame orang Han; Percaye deh!” Kate si Nona serius.
Udeh satu jam si Aseng kagak juge nongol, jadi aye mau minta diri yeh.”
Udeh satu jam si Aseng kagak juge nongol, jadi aye mau minta diri yeh.”
Si Nona Oey Yok Nio mengemas barang bawaannya dan kemudian mencari kalau aje ketemu sama si A Pin; Die pengen minta dianterin ke engkongnye buat minte obat supaye kagak jadi nenek-nenek.
Waktu ditengah jalan die ketemu orang nyang lagi tidur di utan; Waktu dideketin eh die ternyate si Apin; Dari mane en mau kemane nih orang?
Si Nona nunggu-in ampe die bangun. “Nih orang keliatannye aje kagak bise ape-ape, tapi die lebih berbisa dari pade ular King Kobra.... Kalau gua ditimpuk pake piauw nye, ............kagak lagi dah, gua udeh kapok, ampir aje gua mati.
Kalu dipikir-pikir lebih banyak ruginye kalo gua gaul ame keluarga Auwyang; Nah buktinye sekarang gua mendadak jadi nenek-nenek, gare-gare die, si Auwyang Hong.”
Akhirnye si A Pin bangun; die rada-rada kikuk ngeliat sutenye nungguin die..
Akhirnye si A Pin bangun; die rada-rada kikuk ngeliat sutenye nungguin die..
“Apin elu lagi ngapain di utan sendirian?” Nona Oey nanye.
“Gua lagi cari jamur beracun buat dibikin obat; Udeh dapet cukup, terus gua ketiduran.”
“Nah elu mau kemane? Ampir aje gua nggak kenalin elu; Kenape sekarang lu berubah jadi nenek-nenek? Kulit lu ye, kayak kulit kodok buduk, same ame Engkong .
“Itu die masalahnye, gua mau ngadep engkong lu buat minta obat buat kulit gua nih. Sekarang anterin gua ke Engkong lu yeh, lu mau kagak?”
“Eh lu berani ape dateng lagi ke rumeh engkong; pan lu udeh jadi anak putauw. Gua tau lu kan muridnye Ciu Pek Tong.”
“Kenape kudu takut? Kan gua pegi dari rumeh die secara bae-bae. Kalo masalah gua punya suhu dua orang, itu mah kemauan gua dong....nggak boleh ade nyang ngelarang.”
‘Kalo gitu gua anterin, tapi risiko ditanggung sendiri, gua kagak ikut-ikutan.’
Kedua murid Auwyang Hong berlari memakai ilmu entengin tubuh hingga sampe ke rumah perguruannye. Keadaan tenang, tapi keliatan ade nyang dateng lebih dulu en sekarang lagi ngomong ame suhu. Si Nona Oey memberi kode, supaye jangan berisik; si Nona menyelinap ke ruang tamu buat ngeliat siape tamunye suhu Auwyang en juge ngedengerin ape yang die orang omongin. Nggak disangke, ternyate si Aseng, lagi ngomong serius ame Auwyang Hong.
“Gua mohon dengan segala kerendahan hati ame lu, keluarin tuh obat. Gua kudu bayar berape tail atawa berapa batang emas, gua udeh siapin duitnye.”
‘Masalah obat kecantikannye si Nona Oey kan; Itu emang begitu jadinye kalo die kawin en berhubungan intim ame laki-laki.
Pan gua udeh pesen ame die, lu jangan kawin ame laki-laki selame lu pake tuh obat. Kalo lu mau kawin, obatnye kudu distop dulu selame setahun, baru boleh kawin.
Kan kate-kate gua jelas;.....Emang aje die lagi sial mengkali.”
“Kalo udeh terlanjur kaya gini, ape ade obatnye yang bise ngembaliin kecantikan-nye?”
“Kagak ade”
“Atawa cara lain nyang lu anjurin?”
“Kagak ade”
“Jadinye kagak ade harapan yeh....? Gua sih tetep nyalahin elu; emang elu brengsek! Mangkanye elu digelarin si ‘Raja Racun’, jadi orang kudu tau yang mane lu emang kagak becus bikin obat, tapi bikin racun lu emang jagonye; Cuman racun doang nyang elu bise.”
Langsung si Aseng cau, kagak ngomong ape-ape lagi.
Langsung si Aseng cau, kagak ngomong ape-ape lagi.
Si Nona nyang ngedengerin orang ngomong, jadi shock en dendam bener ame si Raja Racun dari barat. Jadi nggak ade harapan lagi. “Buat ape lagi gua ngomong ame si brengsek, lebih cepet gua
tinggalin lebih bae”. Die pikir.
“Suheng A Pin, gua minta diri dari elu aja; Gua kagak mau minta diri ame engkong lu; Die udeh bikin gua kecewa en shock.....masa gua mendadak jadi nenek-nenek, jadi lu tau perasaan gua sebagai seorang perempuan nyang kehilangan kecantikannye.’
“Bae sute, ati-ati di jalan yeh. Tapi lu mau kemane ?’ Tanye si A Pin.
“Gua mau balik ke Istane Boan; Emang kenape?”
“Nggak,kalo elu balik ke rumehnye si Aseng,gua mau titip bukunye nyang gua pinjem; Gua udeh selesai baca nih buku.”
“Buku ape sih?”
“Ilmu Naga menggoyang ekor”
“Busyet.....itu mah bukunye perguruan Ciu Pek Tong; Gua nggak yakin elu boleh pinjem bae-bae ame sute gua, si Aseng; Pasti lu boleh nyolong dari perpustakaannye Ciu Pek Tong. Kalo gitu, gua kagak mau ikut-ikutan dah. Selamat tinggal.”
Sementara itu si Aseng emang bener-bener takut balik ke perguruannye; Die yakin hukumannye pasti hukuman mati. Die sebenernye denger tereakan Ciu Pek Tong nyang mane die disuruh ketemu ame gacoannye............Tapi kagak deh.
Selain takut dihukum mati, die juge malu ame perguruannye lantaran semue temen-temen seperjuangannye udeh pade ngegosipin; Nyang nyebarin gosip...si Auwyang Pin.
Jadi selame tige bulan belakangan emang ade pegawainye Ciu Pek Tong nyang kerje bersih-bersih; Nggak taunye itu si Apin....nyang lagi nyaru, masuk ke markas musuh. Beraninye dia sebar gosip nyang katenye si Nona Oey itu perempuan Boan. Lebih gile lagi die nyolong buku ‘Naga menggoyang ekor’.
Sementara itu Aseng duduk melamun ,“Jadi semue udeh pade tau en ngarti, nyang mane gue udeh berhubungan intim kaya suami istri ame suheng gue sendiri; Hubungan intim itu nyang nyebab-in si Nona berubah jadi seorang nenek-nenek.
Lebih gile lagi semua orang udeh pade tau nyang mane si Nona Oey nyang cantik en semakin cantik, ketahuan adalah seorang Putri Kerajaan Boan........Emang bener-bener gua seorang pengchianat bangasa Han.” Aseng melamun....melamun terus kaya orang gila.
Akhirnye die putusin buat kabur keluar Tionggoan; Kabur ketempat nyang jauh sekalian.......en nggak mau lagi dikenalin kaya orang Cine. Pendek ceritenye, die pilih ke Kota Batavia.........Nyang sekarang udeh kite kenal sebagai Aseng si orang Betawi didalam barisan berani mati.
Pegimane nasibnye si Pendekar Nona Oey Yok Nio alias Putri Teratai Malam; Die udeh sampe di depan Istane. Si nenek nyang kulitnye item keriput, jalannye bungkuk nyamperin penjaga pintu gerbang Istane Kota Terlarang.
‘Hai prajurit ! Bukakan pintu untuk Tuan Putri Teratai Malam! Cepat!’
Si prajurit jaga bengong ngeliat ‘orang gila’ nyang ngaku ngaku Putri Kerajaan; Mangkanye die dibentak ame si Nona Oey.
Si prajurit jaga bengong ngeliat ‘orang gila’ nyang ngaku ngaku Putri Kerajaan; Mangkanye die dibentak ame si Nona Oey.
‘Maaf , gua kagak ngenalin elu; Ape lagi lu ngaku-ngaku Tuan Putri nyang kite orang hormatin; Gua kire elu orang gile atawa pura-pura gile, nyang mane elu sebenernye pemberontak Han, .....bener kan?”
Si Nona turun dari kudanye en ngedeketin si prajurit, terus die bilang, “Lu kan udeh dikasih tau ame atasan lu nyang mane setiap anggota Keluarga Kerajaan ade capnye, cap kerajaan di punggungnye. Nah sekarang gue mau kasih unjuk tuh cap kerajaan ame lu; Sini, gue masuk ke gardu lu buat ngasih liat...”
Bener ade, di punggung si Nona ade cap Kerajaan nyang ampir ke apus ame kulit nyang keriput item............Untung si prajurit jage masih bise ngaku-in. Langsung aje si prajurit jongkok menghormat. Terus die buka-in pintu gerbang.
Kaisar Hoang Tie merasa terpukul melihat Putrinye nyang caem sekarang pulang jadi nenek-nenek kaya gitu..............”Pegimane jadinye sih?........Emang aneh dunie Kangouw. Kalau gua tau bakal begini jadinye gua larang die pergi keluar Istane.”
Putri Teratai Malam menangis sejadinye didepan Ibu Suri Kerajaan, ibunye sendiri. Ibunya berichtiar memanggil semua tabib, sinshe en juge dokter-dokter barat; Tapi sayang keadaan Putri masih tetep seperti itu, kulitnye keriput en item.
Akhirnye si Putri Teratai Malam menyerahkan kedudukannye sebagai Putri ame adiknye; Die sendiri minte diri untuk melanjutkan petualangannye di dunie Kangouw.
Bab 10
Sang Putri Teratai Malam mengakhiri ceritenye; Terlihat air matanye menetes. Begitu juge si Aseng, meneteskan air matenye. Kedua insan berpandang-pandangan.
Tidak dinyane, Sang Putri nyamperin si Aseng, terus di peluk dengan uraian air mata, “Aseng, gua mau elu balik lagi seperti kite nyang dulu. Lu kan udeh perneh bilang nyang elu mau nerima gua ape adenye. Gua udeh bilang ame elu, gua perempuan Boan, gua Putri Kerajaan musuh en macem-macem kekurangan gua nyang lain; Tapi lu udeh bilang kagak ade masalah. Nah kekurangan gua nyang terakhir, kulit gua jadi keriput en item, badan gua jadi bungkuk; Tapi gua masih tetep seperti nyang dulu.”
Si Aseng diem aje kaye orang bengong. Oh iye.... die belon dibebasin dari pengaruh totokannye si Rokayeh. Buru-buru Rokayeh bertindak membebaskan totokan.
Si Aseng rupenye juge mau balik lagi, “Gua kabur ke Betawi, bukan mau ngelupain elu sayang, tapi gua malu en takut ame semue orang Han. Gua juge takut ame suhu gua sendiri.
Mari sayang! Kembalilah kepelukanku! Gua terime semue nasib kite; Elu masih tetep cantik seperti dulu.”
Kedua insan berlainan jenis itu berpelukan dimuka murid-muridnya.
Semue bersorak sorak kegirangan, “Lu hebat Pitung! Lu berjase bener dah! Kate si Rokayeh.
‘Emang kenape’
‘Kalo nggak ade elu, die orang udeh pade pibu, terus bakalan ade nyang mati, kite jadi sedih.........Terus siape nyang kite harepin buat ngadepin belande-belande?’
“Iya bener yeh.....Tapi ade nyang gua berkesan ame tuh cerite, rupenye si Aseng tukang nyolong paha ayam goreng, cap-cay ame arak spesial....gile juge yeh. Lu bise nggak masakin paha ayam goreng buat suhu gua?” Tanye si Pitung
“Bise aje, itu mah makanan gua se ari-ari. Tapi nyang dicolong ame si Aseng, beda bener..........masakan spesial buat Raje, Raje Cine; Jadi kokinye juge spesial.....Kalo nyang itu gua kagak bise.” Kate Rokayeh.
Si Aseng nimpalin, ‘Gua udah ngerasain makanan Raja Boan; nggak taunye rasanye masih kalah jauh ame makanan di warung-warung pinggir jalan. Makanan rakyat di warung lebih enak ketimbang makanan Raje.”
“Tapi kenape lu ampir tiap ari nyolongin makanan Raje? Kenape tuh? kalo bukannye lu ketagihan...kan?’ Putri Teratai Malam nanya.
“Gua Cuma mau bikin malu Raje. Abis gua acak-acak tu prasmanan-nye Raje, terus gue rapih-rapihin bae-bae; Baru gua tinggal pigi. Jadi, Raja makan makanan bekas gua; Itu kejadian ampir tiap ari kagak ade nyang nauin.” Kata si Aseng kalem.
“Kurang ajar lu Seng! Jadi elu udeh menghina Abah gua....Tapi gua maklum dah...Nih nyang namenye politik. Begitu carenye orang Han ngebales dendam ame orang Boan Manchuria.”
Nah Rokayeh...........lu masak deh buat paman lu ame sebo lu; Gua udeh laper nih!’
Penutup
Perjuangan warge Betawi ngelawan penjajah Belande terus berlangsung hingga tahun 1945, Indonesia Merdeka.
Warge Betawi kembali menikmati suasana kemerdekaan.
Cucu-buyutnye Abah Somad banyak se abrek abrek.
Buat si Pitung nyang berkesan dari Abah Somad waktu die ngebanggain dirinye sebagai Tuan Tane sebelon belande pade dateng, “Nyang disono noh Tanah Abang juge.”
Mangkanye si Pitung berpesan ame cucunye si Somad, “Lu pade jadi Tuan Tane deh, .....Tapi elu-elu pade jangan ngejual sembarangan tuh tane....Tuh tane, tane nenek moyang lu tau; Kalo juge dijual, simpen duitnye atawa belanjain nyang bener!”
No comments:
Post a Comment